Вагон ё "контейнер"-ҳое, ки барои бемористони сайёр пешбинӣ шуда буд, ба нерӯҳои марзбонӣ додаанд.
Дар ин бора Ҷамолиддин Абдуллозода, вазири тандурустӣ ва ҳифзи иҷтимоии аҳолӣ рӯзи 27-уми июл хабар дод.
“Контейнерҳо ба ихтиёри Қушӯнҳои сарҳадӣ дода шуд,” -- гуфт вазир.
Ин 144 вагонро соли 2020 Узбекистон барои сохтани беморхонаи сайёр барои гирифторони COVID-19 дода буд.
Бо ин вагонҳо дар варзишгоҳи "Бофанда" дар Душанбе беморхонаи сайёр ташкил карданд, аммо ин беморхона тақрибан истифода нашуд.