Дастаи мунтахаби наврасони Тоҷикистон (U-16) бо раҳбарии сармураббӣ Зайниддин Раҳимов 14-уми май дар аввалин бозиаш дар мусобиқаи қаҳрамонии Созмони футболи Осиёи Марказӣ (CAFA) миёни дастаҳои мунтахаби наврасони то 16-сола, ки дар шаҳри Душанбе ҷараён дорад, мунтахаби Қирғизистонро бо ҳисоби 2:0 шикаст дод. Голҳоро Масрур Ғафуров (аз пеналти) ва Шеравган Саидов ба самар расониданд.
Дар бозии дигари даври дуюми қаҳрамонии CAFA-2022 мунтахаби Узбекистон тими Афғонистонро бо ҳисоби бузурги 6:0 мағлуб кард.
Қаблан ду бозии даври аввали мусобиқа миёни дастаҳои мунтахаби наврасони Узбекистон – Эрон бо ҳисоби 2:2 ва Афғонистон – Қирғизистон бо ҳисоби 1:1 хотима ёфта буд.
Дар мусобиқаи қаҳрамонии CAFA-2022 дастаҳои мунтахаби наврасони то 16-солаи Афғонистон, Қирғизистон, Тоҷикистон, Узбекистон ва Эрон ширкат доранд.
Футболбозони навраси тоҷик бозии навбатиашонро имрӯз, 16-уми май, бо тими Афғонистон баргузор мекунанд. Пеш аз ин бозӣ мунтахаби Узбекистон бо тими Қирғизистон рақобат мекунад.
Сармураббии дастаи мунтахаби наврасони Тоҷикистон (U-16) Зайниддин Раҳимов дар як нишасти хабарӣ гуфт, «мусобиқаи қаҳрамонии CAFA яке аз давраҳои муҳими омодагӣ ба марҳилаи интихобии Ҷоми Осиё-2023, ки моҳи октябри имсол баргузор мешавад, ба ҳисоб меравад. Мо ба ҳар як бозӣ хуб омодагӣ мегирем ва мекӯшем, ки пирӯз шавем.»
Дар доираи қаҳрамонии CAFA-2022 миёни дастаҳои мунтахаби наврасони то 16-сола ҳамагӣ даҳ бозӣ баргузор мешавад. Ҳамаи бозиҳо дар Варзишгоҳи марказии Душанбе то рӯзи 20-уми май идома хоҳанд кард.
Тибқи дастури мусобиқа, қаҳрамонии CAFA-2022 миёни дастаҳои мунтахаби наврасони то 16-сола аз рӯи системи даврӣ дар як давра баргузор мешавад. Дастаи ғолиб аз рӯи имтиёзҳои бештари ба дастоварда муайян карда мешавад.
Мусобиқаи қаҳрамонии CAFA-2022 миёни дастаҳои мунтахаби наврасони то 16-сола
Даври 1-ум
Узбекистон – Эрон – 2:2
Афғонистон – Қирғизистон – 1:1
Даври 2-юм
Қирғизистон – Тоҷикистон – 0:2
Голҳо: Масрур Ғафуров, 53 – аз пеналти (0:1). Шеравган Саидов, 70 (0:2).
14-уми май. Душанбе. Варзишгоҳи марказии ҷумҳуриявӣ. 2500 тамошобин.
Афғонистон – Узбекистон – 0:6
Мавқеи дастаҳо дар ҷадвали мусобиқа
|
Ҷ |
ДАСТАҲОИ МУНТАХАБ |
Б |
Ғ |
М |
Б |
Т/Т |
И |
|
1 |
Узбекистон |
2 |
1 |
1 |
0 |
8-2 |
4 |
|
2 |
Тоҷикистон |
1 |
1 |
0 |
0 |
2-0 |
3 |
|
3 |
Эрон |
1 |
0 |
1 |
0 |
2-2 |
1 |
|
4 |
Қирғизистон |
2 |
0 |
1 |
1 |
1-3 |
1 |
|
5 |
Афғонистон |
2 |
0 |
1 |
1 |
1-7 |
1 |
Даври 3-юм
16-уми май (душанбе)
18:00 – Эрон – Қирғизистон
21:00 – Тоҷикистон – Афғонистон
Даври 4-ум
18-уми май (чоршанбе)
18:00 – Эрон – Афғонистон
21:00 – Узбекистон – Тоҷикистон
Даври 5-ум
20-уми май (ҷумъа)
18:00 – Қирғизистон – Узбекистон
21:00 – Тоҷикистон – Эрон