Як омӯзгори ҷавони тоҷик пешниҳод дорад, ки дар мактабу донишгоҳҳои кишвар барои толибилмон парк ё таваққуфгоҳи дучарха сохта шавад.
Дар шароите ки нархи сӯзишворӣ ва роҳкиро гарон мешавад, дӯстдорони дучарха дар Тоҷикистон мехоҳанд, мақомот шароит фароҳам орад, то дучарха чун як воситаи нақлиёт истифода шавад. Набудани роҳи махсус барои дучархаронӣ ва таваққуфгоҳҳо барои гузоштани велосипед ҳаракат бо дучархаро дар шаҳр мушкил кардааст.