Дар робита ба бад шудани вазъи беҳдоштӣ дар шаҳри Тошканди Узбекистон марказҳои СOVID-19 дубора боз мешаванд.
Расонаҳои Узбекистон ахиран хабар доданд, ки Ҷаҳонгир Ортиқхоҷаев, раиси шаҳри Тошканд ба маркази СOVID-19 дар маҷмааи варзишии "Ёшлик" рафтааст. Чунин марказҳо дар ду маҷмаи варзишии дигари шаҳри Тошканд бунёд хоҳад шуд. Дар ин се марказ барои 2 ҳазор бемор кат гузошта шудааст.
Марказҳои СOVID-19 дар Узбекистон дар моҳҳои ноябр-декабри cоли гузашта дар робита ба камшавии теъдоди гирифторони вабои коронавирус баста шуданд.
Ҳафтаҳои ахир шумори гирифторон ба бемории ҳамагири СOVID-19 дар Узбекистон меафзояд. Мақомоти Узбекистон ҳафтаи гузашта гуфтанд, ки дар ин кишвар навъи хатарноктар ва зудпаҳншавандаи коронавирус "Делта" сабт шудааст. Дар робита ба ин, шуруъ аз 28-уми июн маҳдудиятҳои карантинӣ дар он кишвар сахттар шуд.