Қонуни нави афв. Хона ва дороиҳои ғайриқонуниро қонунӣ мекунанд

Дар Тоҷикистон қонуни афви амвол қабул шуд, ки бар асоси он шаҳрвандон метавонанд хонаҳои беиҷозат бунёдшуда ва дороиҳои дар хориҷа доштаашонро ба Тоҷикистон оварда қонунӣ кунанд. Афви амвол яке аз ваъдаҳои раиси ҷумҳур Эмомалӣ Раҳмон дар паёмаш ба Порлумон буд. Мақомот умед доранд, ки бо афви амвол ба иқтисоди кишвар маблағи изофӣ ворид мешавад, аммо бархеҳо ба ин шубҳа доранд.