Дучарха дар ноҳияи Дӯстии вилояти Хатлон (Ҷиликули пешин) як василаи аз ҷо ба ҷое расонидани аксари сокинон аст.
Дар ин ноҳия, ба истилоҳ, “пиру ҷавон” дучарха меронанд ва он аз камтарин ноҳияи Тоҷикистон аст, ки аксари аҳолиаш дилбастаи дучархасаворӣ ҳастанд.
Видеоро ин ҷо тамошо кунед:
Браузери шумо HTML5-ро намешиносад
Сокинони ноҳияи Дӯстӣ ба дучархасаворӣ муҳаббати хос доштаанд
Саноат Маҷидова, омӯзгоре дар ноҳияи Дӯстӣ мегӯяд, дучарха кору зиндагии ӯро осон кардааст ва ёд надорад, ки бори охир кай мошинсаворӣ кардааст. Саноат ва даҳҳо ҳамкору шогирдонаш аз роҳи дур то мактаб бо дучарха меоянд. “Ман 36 сол шуд, ки аз дучарха истифода мебарам, дар мошин намешинам, хонаи падарам дар ноҳияи Ҷалолиддини Румӣ ҳаст, бо дучарха ба онҷо меравам ва боз фарзандонамро гоҳо савор карда мебарам. Дучарха як чизи беминнат аст, ки сӯзишворӣ ва дигар хароҷоти зиёдатӣ надорад”,--гуфт ӯ.
Дар хиёбонҳои ин ноҳия аксари сокинони ноҳияро савори дучарха дидан мумкин аст.
Шамшод Чориева, як сокини ин ноҳия мегӯяд, агар дар дигар навоҳӣ дучархасавории занонро “айб” донанд, дар ноҳияи Дӯстӣ он ифтихор аст. “Инҷо натанҳо мардҳо, балки занону кӯдакон низ бо дучарха мегарданд. Ин ба саломатӣ фоида дорад. Модари 62- солаи ман вақте, ки ба ноҳия меравад, дучархаашро мегирад”,--гуфт Шамшод.
Омори дақиқи сокинони дучархасавор дар ин ноҳия ҳисоб нашудааст, вале Солеҳ Маҳмадбеков, корманди ҳафтаномаи ноҳия мегӯяд, бо эҳтимоли зиёд беш аз 30 дар сади сокинон дучархасаворанд. “Хусусияти хубе барои саломатӣ дорад, ҳар баҳор марафони дучархасаворҳо баргузор мешавад“,--гуфт ӯ.
Дар Тоҷикистон борҳо даъват барои дучархасаворӣ садо додааст, вале дар дигар навоҳӣ ва пойтахт ин садо зиёд шунида нашуд. Сокинон низ гила мекунанд, ки роҳҳои пойтахт хоси дучархасаворӣ нест.
Рӯзи 3-уми июнро Созмони Милали Муттаҳид рӯзи дучархасаворӣ эълон кардааст. Рӯзе, ки барои сокинони ноҳияи Дӯстӣ хос нест, чун дучархасаворӣ ба шуғли доимиашон табдил ёфтааст.
ИНЧУНИН, БИХОНЕД: Роҳи дури мактаб дар Фархор духтаронро дучархасавор кард. ВИДЕОИНЧУНИН, БИХОНЕД:
Роҳҳои Душанбе барои як рӯз аз мошин холӣ мешаванд. ВИДЕОДучархаҳо ҷойи мошинҳоро дар Тоҷикистон танг мекунанд? (ВИДЕО)Дучархасаворони Душанбе роҳ мехоҳандБа мактаб бо дучарха. Чаро не? (ВИДЕО)Достони духтарони дучархасавор ва сайри Хоруғ (ВИДЕО)Пойгаи дучархасаворӣ бахшида ба Рӯзи Парчами давлатӣНахустин пайроҳаи дучархасаворон дар ДушанбеДучархасаворон: "Президент гуфту вазир иҷро накард"