Мактабҳоро поккорӣ карданд. "Ниёзе ба эълони карантин нест"?

Мақомот дар Тоҷикистон мегӯянд, мактабҳои миёнаро "дезинфексия" карда, барои идомаи таҳсили хонандагон омода намудаанд. Дар Вазорати маориф ва илми Тоҷикистон гуфтанд, ҳеч тағйире дар нақшаи дарсҳо нест. Ин дар ҳолест, ки баъзе аз волидон мегӯянд, бояд бо таваҷҷуҳ ба афзоиши сирояти коронавирус дар ҷаҳон, мақомот муҳлати таътили хонандагонро дароз кунанд. Аз ин пеш мунтақидон ҳукумати Тоҷикистонро барои баргузории маъракаҳои наврӯзӣ бо иштироки ҳазорҳо хонандагону донишҷӯён танқид карда буданд.