Раис ҷалби духтарони наврасро ба пешвози раҳбарон шарҳ дод

Раиси ноҳияи Темурмалик баъд аз 3 моҳ иқрор кард, ки дар фасли сармо ва ҳангоми кушодани як дӯкони доруи ҳайвонот ва иншооти дигар духтаронро бо либоси баҳорӣ ба пешвозаш баровардаанд, аммо онро кори дасти тобеонаш номид. Фотеҳ Аминзода дар суҳбат бо хабарнигорон гуфт, ба чунин тарзи пешвозгирӣ эҳтиёҷ надорд ва гӯиё ҳамон лаҳза низ духтаронро ба пӯшидани либоси гарм ташвиқ кардааст. Ин манзара дар моҳи ноябри соли гузашта баҳси зиёдеро дар шабакаҳои иҷтимоӣ барангехт. Бисёриҳо мансабдоронро барои сӯистифода аз мақом танқид карданд.