Танбеҳи ду мақом барои ҷалби ғайриқонунии сарбоз ба артиш

Як корманди милиса ва як афсари комиссариати ҳарбии ноҳияи Шаҳринав барои ҷалби, ба гуфтаи мақомот, ғайриқонунии Иброҳим Ниёзов ба артиш танбеҳ гирифтаанд. Ба гуфтаи додситонӣ, Ниёзов ду моҳ пеш барои хидмат ба қисми ҳарбии "0332"-и нирӯҳои марзбонӣ дар ноҳияи Панҷ сафарбар шуда буд ва бинобар беморӣ ҳамагӣ як рӯз хизмат карда, ҳоло дар бемористон аст. Пайвандонаш мегӯянд, ӯ то замони ҷалб шудан ба саффи артиш солим буд ва ҳеч беморӣ надошт.