Баҳои мақомот ва мухолифин ба нишасти имсолаи Варшава

Дар шаҳри Варшава машварати солонаи Созмони Амният ва Ҳамкории Аврупо то ду рӯзи дигар хотима меёбад. Дар ин нишаст дар шаҳри Варшава як ҳайати бузурги давлати Тоҷикистон ва ҳам аъзову тарафдорони мухолифон ҳузур доранд. Баъзеҳо нишастро фурсати муҳиме барои муколамаи тарафҳо медонистанд, аммо онгуна ки нозирон мегӯянд, ҳам ҳайати давлат ва ҳам мухолифон нишастро фақат барои таблиғот истифода бурданд, на муколама ва ё гуфтугӯ.