Мусоҳиба бо падари Лола Ғуломовае, ки дар Амрико кушта шуд
Браузери шумо HTML5-ро намешиносад
Падари Лола Ғуломова, зани 45-солаи тоҷик, аз кушта шудани духтараш дар шаҳри Вашингтони Амрико баъд аз ду рӯзи ҳодиса хабар ёфтааст. Зариф Ғулом, ҳуқуқдон ва узви Иттиҳоди адибони Тоҷикистон, рӯзи 11-уми июн ба Радиои Озодӣ гуфт, ба далели набуди имкони молӣ, наметавонад, барои видоъ бо духтараш ба Иёлоти Муттаҳида равад. Аз фоҷиа дар хонаводаи Лола Ғуломова ва шавҳари 51-солаи ӯ Ҷейсон Риф рӯзи 8-уми июн рӯзномаи "Вашингтон Пост" хабар дод. Ба навиштаи рӯзнома, зани тоҷикро шавҳараш дар шаҳри Вашингтон куштааст.