Мадина Орифӣ сокини 43-солаи шаҳри Душанбе асту дар хонаводаи зиёӣ бузург шудааст. Ӯ мегӯяд, замоне шавҳараш соҳибкор буд ва худаш ба ҳайси ёвари додрас дар Додгоҳи конститутсионии Тоҷикистон кор мекарду фарзандонро дар шароити хуб ба воя мерасонд. Аммо ду сол пеш бо қарзгирии шавҳараш аз бонк, саргардониҳои ин хонаводаи ҷавон шуруъ шуд. Ҳоло ӯ бемор аст ва ба кӯмак ниёз дорад.
