"Дар Душанбе сел омада буд, мисли сели Кӯлоб"
Браузери шумо HTML5-ро намешиносад
Маркази обу ҳавосанҷии Тоҷикистон аз эҳтимоли бориши сахти борон ва омадани сел дар минтақаҳои кишвар ҳушдор додааст. Мақомот аз сокинон хостаанд, ки дар ин рӯзҳо аз эҳтиёт кор бигиранд. Шаби 5-уми апрели имсол дар Душанбе ва минтақаҳои дигар борони сахт борид ва, ба қавли сокинон, нишон дод, ки ҳатто пойтахт ба таври бояду шояд барои муқобила бо офатҳои табиӣ омода нест. Бо гузашти се рӯз аз борону сел, идораҳои коммуналӣ ҳанӯз паёмадҳои ин фалокатро дар Душанбе тоза мекунанд.