Шӯрои уламо: баҳси бакорат ғайриахлоқӣ аст

Шӯрои уламои Тоҷикистон аз ҳодисаҳои зиёди ташхиси бакорат дар кишвар изҳори нигаронӣ карда, ҳушдор дод, ки бо ин баҳона набояд шаъну шарафи занон поймол шавад. Масъулини Шӯро мегӯянд, бакорат масъалаи хусусӣ аст ва аз ин роҳ бо обрӯи занон бозӣ кардан дуруст нест. Санҷиши бакорати арӯсон қабл аз издивоҷ ва ба вижа баъди он, аз масъалаҳои доғи солҳои охир шудааст, ки гоҳҳо бо фоҷеа меанҷомад.