“Паёмбар ба занҳояш эҳтироми баробар дошт, мардҳои замони мо чӣ?"

Раиси Кумитаи занон ва оилаи назди ҳукумати Тоҷикистон ба таври ғайримустақим чандҳамсариро дар кишвар тасдиқ кард. Идигул Қосимзода рӯзи 14-уми феврал дар як нишасти матбуотӣ дар посух ба суоли Радиои Озодӣ гуфт, агар мардҳои бисёрзана ба мисли паёмбари ислом адолатро миёни занҳояшон риоят мекарданд, ин масъала боис ба дилсардиву фишор дар хонаводаҳо намешуд.