Сокинон дар бораи равобити Тоҷикистону Эрон: "Дар оила бояд муноқиша набошад"

Сокинони шаҳри Душанбе мардуми Эрону Тоҷикистонро аъзои як хонавода донистанд, ки ба бовари онҳо муносибаташон бояд хуб бошад. Тайи ду соли ахир равобити Душанбеву Теҳрон ба сардӣ печида, ду тараф якдигарро барои рӯ задани ин мушкил муттаҳам карданд. Сафари вазири умури хориҷии Эрон ба Тоҷикистон бисёриҳоро ба нарм шудани муносибот умедвор кардааст. Хабарнигори Радиои Озодӣ рӯзи 10-уми ноябр аз сокинони пойтахт пурсид, ки ба назари онҳо муносибати Эрону Тоҷикистон дар чӣ сатҳ аст ва дар асл бояд чӣ гуна бошад?