Дастаи мунтахаби футзали Тоҷикистон дар мусобиқаи интихобии қаҳрамонии Осиё-2018 дар гурӯҳи “В” бо тимҳои Афғонистону Эрон рақобат мекунад.
Ба иттилои Федератсияи футболи Тоҷикистон, бар асоси ҳуҷҷати расмии Конфедератсияи футболи Осиё (AFC) мусобиқаи интихобии қаҳрамонии Осиё-2018 оид ба футзал дар гурӯҳи “В” аз 15-ум то 17-уми октябри соли равон дар шаҳри Табризи Эрон маргузор мешавад.
Мусобиқа бо бозӣ миёни дастаҳои мунтахаби Афғонистон ва Эрон 15-уми октябр оғоз меёбад. Мунтахаби Тоҷикистон нахустин бозиашро дар мусобиқаи интихобӣ 16-уми октябр муқобили тими Афғонистон анҷом медиҳад.
Сабқати интихобӣ дар гурӯҳи “В” бо бозӣ байни дастаҳои мунтахаби Эрон ва Тоҷикистон рӯзи 17-уми октябр ба поён мерасад. Ду дастаи беҳтарини ин гурӯҳ ба марҳилаи ниҳоии қаҳрамонии Осиё, ки аз 6-ум то 18-уми феврали соли 2018 баргузор мешавад, роҳ меёбад.
Мусобиқаи қаҳрамонии Осиё-2018 оид ба футзал. Сабқати интихобӣ
Минтақаи ҷанубӣ ва марказӣ. Гурӯҳи «В»
Макон – Табриз, Эрон.
Даври 1-ум
15 октябр (якшанбе)
Афғонистон – Эрон
Даври 2-юм
16 октябр (душанбе)
Тоҷикистон – Афғонистон
Даври 3-юм
17 октябр (сешанбе)
Эрон – Тоҷикистон