Гурӯҳи даҳшатафкани "давлати исломӣ" масъулияти ҳамлаи Фаронсаро бар дӯш гирифт

Мақомоти Фаронса мегӯянд, бар асари тирапрронии шаби панҷшанбе дар маркази пойтахти ин кишвар як афсари полис ба ҷалокат расида, ду нафари дигар ҷароҳат бардоштанд. Сухангӯи вазорати дохилии Фаронса Пйер Анри Бранде гуфт, ки дар табодули оташ силоҳбадаст як афсарро кушт, вале худаш низ ҳалок шуд.