Аз намози Иди Фитр то "идгардаки" кӯдакон

Иди Рамазон, яке аз ду иди мусалмонист, ки дар тақвими Тоҷикистон бо хатти сурх ишора шуда, истироҳати расмист. Дар ин рӯз сокинон ба хонаи якдигар рафта ва ба дармондаҳо дасти ёрӣ дароз мекунанд. Аммо шодии ин ид пеш аз ҳама насиби кӯдакон аст, ки ба қавле, ҳанӯз чашми рӯз накафида ба пушти дари ҳамсояҳо ва хешовандони наздики худ рафта, ҳадя мегиранд.