Ҳафтод соли Аҳмад Зоҳир. “Ном чу ҷовид шуд, мурданаш осон куҷост?” (ВИДЕО)

Аҳмад Зоҳир, овозхони маъруфи афғон, ки бо номҳои “султони қалбҳо”, “алмоси шарқ” ва “офтоби беғуруб” низ шинохта шудааст, агар зинда мебуд, ба синни 70 мерасид. Ӯ ҳамагӣ 33 сол умр дида, аз ин миён 15-солашро сарфи эҷоди суруду оҳанг ва иҷрои онҳо кардааст. То имрӯз чандин китоб ва рисолаҳои илмӣ ва ҳунарӣ дар робита ба ҳаёту эҷодиёти Аҳмад Зоҳир дар Тоҷикистон таълиф ёфта, як осорхонаи ӯ низ дар ҷамоати Чӯянгарони шаҳри Ваҳдат фаъол аст. Дар рӯзи зодрӯз ва ҳам марги Аҳмад Зоҳир хабарнигорони Озодӣ ба ин осорхона рафта ва ин видеоро омода карданд.