"Ман барои дӯстонам месароям"
Браузери шумо HTML5-ро намешиносад
"Ман барои дӯстонам месароям",-чунин мегӯяд Исматҷон Иброҳимов, барандаи ҷойи сеюм дар озмуни суруди англисӣ. Ин озмунро "Гӯшаи амрикоӣ" дар Хуҷанд ахиран миёни ҷавонон баргузор кард. Ману Исматҷон рафиқ ва аз аъзои ин гӯша ҳастем, он ҷо забони англисӣ меомӯзем.
Исматҷон, донишҷӯи соли чоруми ДДХ ба номи Бобоҷон Ғафуров, факултаи телекоммуникатсия аст. Вай ҳозир дар ширкати "Мегафон" ба таҷрибаомӯзӣ машғул аст ва мехоҳад оянда дар чунин ширкатҳо кор кунад.