Соли 2010 барои аҳли ҳунари тоҷик, махсусан барои сарояндагону оҳангсозон соли фироқи абадӣ аз 8 тан ҳунармандони маъруф буд, ки бархе ба пирӣ расида аммо баъзеи онҳо хеле ҷавон буданд.
Дар ин сол нобиғаҳои мактабдори ҳунари тоҷик, устод Зафар Нозим ва Нигина Рауфова, ки бо ҳунари асили худ дар дохили кишвар ва хориҷ аз он шӯҳрат доштанд, аз дунё гузаштанд.
Шогирдони содиқи мактаби ин ҳунармандон дар соли 2010 дар эҷоди созу суруд то ҷойе муваффақ буданд. Аммо мегӯянд, дастовардҳо дар сояи аз даст додани устодон камранг шуд.
Дар ин сол баъзе гурӯҳҳо орзӯи чандинсолаи худро амалӣ ва ҳунарнамоиҳое хотирмонеро ба мухлисон тақдим карданд.
