Хабари инфиҷорҳо дар метрои Маскав ва дар ин амали террористӣ кушта шудани 39 нафар, бо шумули 3 шаҳрванди Тоҷикистон мардуми ҳазорҳо километр дуртар аз Русияро ҳам дар ҳаросу ваҳшат қарор додааст.
Аз ҷумла, сокинони Тоҷикистонро, ки садҳо ҳазор фарзандони онҳо дар Русия сукунат ва кор доранд ин ҳол нигарон кардааст. Русия барои мардуми Тоҷикистон мисли ду узви як тан шудааст, ки ҳар дарду доғи он кишварро эҳсос мекунанд ва ранҷ мекашанд.
Амалҳои терористӣ дар Русия, ки ҳар бор аз номи ҷомеаҳои мухталифи мусалмонӣ бар ӯҳда гирифта мешавад, вазъи бе ин ҳам мушкили муҳоҷирини тоҷик дар ин кишварро ба маротиб сангинтар мегардоанд.
Аз як сӯ, дар ин инҷфиҷорҳо маҳз чанде аз муҳоҷирини тоҷик кушта шаванд, аз сӯи дигар дар он кишвар назару муносибати мардуми маҳаллӣ ба ҷомеаҳои ғайрирус, махусан, мусалмонон бадатру сардтар мешавад.
