Марги Мирзо Зиёев дар байни намояндагони аҳзоби сиёсии Бадахшон вокунишҳои мухталиф ба бор овардааст.
Алим Шерзамонов, раиси бахши вилоятии Ҳизби сотсиал-демократ мегӯяд, ҳамагӣ чанд соат баъд аз боздошт ба таври асроромез кушта шудани Мирзо Зиёев фарзияи расмии ин ҳодисаро таҳти шубҳа мегузорад.
Ба гуфтаи Азим Шерзамонов, Бадахшон шабеҳи ҳодисаҳои Тавилдараро тобистони соли гузашта паси сар кард, замоне ки нирӯҳои ҳукуматӣ ба мақсадҳои номаълум якбора дар минтақа афзоиш ёфтанд. Вай гуфт, таҷаммуи нирӯҳо ва гузоштани постгоҳҳо аз кадом тарафе набошад, ба ташаннуҷи авзоъ боис мешавад ва аз ин рӯ мардум соле пеш дар Бадахшон бо нигаронӣ аз эҳтимоли ташаннуҷи вазъ даст ба эътироз зад.
Раиси ҳизби сотсиал-демократи Бадахшон афзуд, ки ҳодиса бояд аз ҷониби мақомоти тафтишотӣ ба таври фарогир таҳқиқ ва гунаҳкорони марги Мирзо Зиёев дар асоси қонун муҷозот шаванд.
Узви раёсати олии Ҳизби назҳати исломи Тоҷикистон Неъмат Амонбеков низ марги Мирзо Зиёевро ношӣ аз талоши гурӯҳҳои манфиатдори ба ҳам задани субот ва коҳиши нобоварӣ нисбат ба ҳукумати кишвар хонд. Вай гуфт, шахсияти Мирзо Зиёев рамзи муборизаи як қишри мардуми Тоҷикистон барои сулҳ ва адолат буда, онҳое, ки гумон мекунанд, бо аз байн бурданаш осоиштагиро дар кишвар таъмин кардаанд, иштибоҳ мекунанд.
Ба гуфтаи Неъмат Амонбеков, аз замони пайдо шудани овозаҳо оид ба зуҳури афроди Мулло Абдулло дар минтақа то ба ҳол касе аз ин афрод боздошт нашуда, бо сабабҳои гуногун баръакс афроде, ки зиндагии мулкӣ доштанд, ба майдони мухолифат кашида шуданд. Вай афзуд, ки бо марги Мирзо Зиёев акнун имкони бо роҳи мусолиҳатомез ҳал гардидани ихтилоф аз байн рафта, афроди боқимонда ба идомаи муқовимати мусаллаҳона гӯиё маҳкум шудаанд.
Неъмат Амонбеков гуфт, ин ҳодиса ҳамчунин ба коҳиши боварии собиқ мухолифине, ки дар сохторҳои мақомот фаъолият карданд ва ҳоло низ кор мекунанд, сабаб хоҳад шуд.
Аммо Гулдаста Орумбекова, раиси бахши Ҳизби ҳокими халқӣ-демократӣ дар шаҳри Хоруғ аз ҷониби давлат муҷозот шудани афродеро, ки авзоъро ноором мекунанд, амри табиӣ арзёбӣ намуд.
Раиси бахши вилоятии Ҳизби коммунист Хусрав Рақамов изҳор дошт, ки хабари марги Мирзо Зиёевро аз куча шунидааст, вале пас аз истиқрори сулҳ ташаннуҷи дубораи авзоъро ба манфиати мардум ва кишвар намешуморад.
Ба гуфтаи Алим Шерзамонов, раиси бахши вилоятии Ҳизби сотсиал-демократ, аммо аз ҳама нигаронкунанда он аст, ки дар кишвар ҳатто миёнҷии сулҳ будан низ амали хатарнок будааст.
Ба гуфтаи Азим Шерзамонов, Бадахшон шабеҳи ҳодисаҳои Тавилдараро тобистони соли гузашта паси сар кард, замоне ки нирӯҳои ҳукуматӣ ба мақсадҳои номаълум якбора дар минтақа афзоиш ёфтанд. Вай гуфт, таҷаммуи нирӯҳо ва гузоштани постгоҳҳо аз кадом тарафе набошад, ба ташаннуҷи авзоъ боис мешавад ва аз ин рӯ мардум соле пеш дар Бадахшон бо нигаронӣ аз эҳтимоли ташаннуҷи вазъ даст ба эътироз зад.
Раиси ҳизби сотсиал-демократи Бадахшон афзуд, ки ҳодиса бояд аз ҷониби мақомоти тафтишотӣ ба таври фарогир таҳқиқ ва гунаҳкорони марги Мирзо Зиёев дар асоси қонун муҷозот шаванд.
Узви раёсати олии Ҳизби назҳати исломи Тоҷикистон Неъмат Амонбеков низ марги Мирзо Зиёевро ношӣ аз талоши гурӯҳҳои манфиатдори ба ҳам задани субот ва коҳиши нобоварӣ нисбат ба ҳукумати кишвар хонд. Вай гуфт, шахсияти Мирзо Зиёев рамзи муборизаи як қишри мардуми Тоҷикистон барои сулҳ ва адолат буда, онҳое, ки гумон мекунанд, бо аз байн бурданаш осоиштагиро дар кишвар таъмин кардаанд, иштибоҳ мекунанд.
Ба гуфтаи Неъмат Амонбеков, аз замони пайдо шудани овозаҳо оид ба зуҳури афроди Мулло Абдулло дар минтақа то ба ҳол касе аз ин афрод боздошт нашуда, бо сабабҳои гуногун баръакс афроде, ки зиндагии мулкӣ доштанд, ба майдони мухолифат кашида шуданд. Вай афзуд, ки бо марги Мирзо Зиёев акнун имкони бо роҳи мусолиҳатомез ҳал гардидани ихтилоф аз байн рафта, афроди боқимонда ба идомаи муқовимати мусаллаҳона гӯиё маҳкум шудаанд.
Неъмат Амонбеков гуфт, ин ҳодиса ҳамчунин ба коҳиши боварии собиқ мухолифине, ки дар сохторҳои мақомот фаъолият карданд ва ҳоло низ кор мекунанд, сабаб хоҳад шуд.
Аммо Гулдаста Орумбекова, раиси бахши Ҳизби ҳокими халқӣ-демократӣ дар шаҳри Хоруғ аз ҷониби давлат муҷозот шудани афродеро, ки авзоъро ноором мекунанд, амри табиӣ арзёбӣ намуд.
Раиси бахши вилоятии Ҳизби коммунист Хусрав Рақамов изҳор дошт, ки хабари марги Мирзо Зиёевро аз куча шунидааст, вале пас аз истиқрори сулҳ ташаннуҷи дубораи авзоъро ба манфиати мардум ва кишвар намешуморад.
Ба гуфтаи Алим Шерзамонов, раиси бахши вилоятии Ҳизби сотсиал-демократ, аммо аз ҳама нигаронкунанда он аст, ки дар кишвар ҳатто миёнҷии сулҳ будан низ амали хатарнок будааст.