Таҳқиқи сабабҳои ҳалокати собиқ вазири умури дохилаи Тоҷикистон Муҳаммадназар Солеҳов аз сӯи гурӯҳи вижаи тафтишотӣ сурат мегирад.
Дар ин бора ба Радиои Озодӣ аз вазорати умури дохилаи Тоҷикистон хабар доданд. Навбатдори вазорати умури дохила полковник Ризоев ба Радиои Озодӣ гуфт, ки шаби гузашта аъзои ин гурӯҳ то бевақтӣ дар манзили Муҳаммадназар Солеҳов бо шоҳидони ҳодиса сӯҳбат карданд.
Ба иттилои расмӣ, собиқ вазири умури дохилии Тоҷикистон Муҳаммадназар Солеҳов шоми 17-уми июн дар манзилаш дар шаҳри Душанбе даст ба худкушӣ зад. Мақомоти умури дохилии Тоҷикистон гуфтаанд, ин ҳодиса дар ҳоле ба амал омад, ки додситонии кулли кишвар ба ҳабси Солеҳов дастур дода буд.
Ва аммо ба назар мерасад, ки ҳалокати вазири собиқ зери пардаи асрор ниҳон аст. Ва ҳанӯз маълум нест, ки вазири собиқ воқеан даст ба худкӯшӣ задааст ва ё кушта шудааст.
Худойназар, писари 12-солаи Муҳаммадназар Солеҳов дар як сӯҳбати кӯтоҳ бо Радиои Озодӣ баъд аз вуқуи ҳодиса гуфт, ки падарашро куштаанд.
Ба иттилоъи вазорати умури дохилӣ, шоми дирӯз кормандони додситонии кулл вориди манзили Солеҳов шуданд. Ва аммо онҳо агар дастури боздошти вазири собиқро доштанд, чаро аз худкушӣ ва ё куштори вазир ҷилавгирӣ накарданд?
Як ҳамсӯҳбати мо, ки солҳои пеш ҳамроҳ бо Муҳаммадназар Солеҳов кор карда буд, дар як сӯҳбат ва бидуни ифшои ному насабаш гуфт, ки ӯ дар бораи боз шудани парвандаи ҷиноӣ алайҳи вазири собиқ шунида буд ва додситонӣ Солеҳовро, аз ҷумла дар сӯиистифода аз мансаб ва берун рафтан аз ваколаташ айбдор мекард. Ин ҳамсӯҳбати мо ҳадс зад, ки куштор шояд тасодуф ҳам бошад – аҷаб нест, ки Солеҳов ба афроди ба манзилаш омада муқовимат карда бошад.
Муҳиддин Кабирӣ, вакили Маҷлиси намояндагон ва раиси Ҳизби наҳзати исломии Тоҷикистон, мегӯяд, ки “чун Муҳаммадназар Солеҳов як шахсияти маъруфи кишвар буд ва дар мақомҳои муҳими давлатӣ ифои вазифа карда буд, ӯ шояд нахостааст, ки дар назди маҳкама мавриди саволу ҷавоб қарор бигирад”. Аз сӯи дигар, меафзояд Муҳиддин Кабирӣ, “аксари шахсиятҳои низомӣ, ба вижа генералҳо, барои худ як кодекс ё ойини нонавишта доранд, ки дар чунин ҳолатҳо аз он истифода мекунанд”.
Муҳаммадназар Солеҳов солҳои тӯлонӣ дар ҳукумати Тоҷикистон мақомҳои калидиро ишғол мекард. Ӯ дар ноҳияи Вахши вилояти Қурғонтеппа ба дунё омадааст. Баъд аз хатми донишгоҳ муддате ёвари додситони ноҳияи Фрунзеи шаҳри Душанбе ва баъдан додситони ноҳияи Конибодоми вилояти Суғд буд. Баъди сари қудрат омадани ҳукумати Эмомалии Раҳмон ӯ вазифаи додситони кулли Тоҷикистонро бар ӯҳда дошт.
Соли 1994 ӯ аз ин мақом барканор ва баъди муддате муовини вазири умури дохилии Тоҷикистон таъин шуд ва дар ин мақом то соли 1996 фаъолият кард. Сипас тайи се сол, яъне аз оғози соли 1997 то миёнаҳои баҳори соли 2000 Муҳаммадназар Солиев раҳбари рафтари раисиҷумҳури Тоҷикистон буд. То бозгашти дубора ба ин мақом дар соли 2004 ӯ дар мақомҳои раиси додгоҳи Қонуни асосӣ ва раиси Шӯрои адлияи Тоҷикистон ифои вазифа мекард.
Ӯ то моҳи январи соли равон вазири умури дохилаи Тоҷикистон буд. То ишғоли курсии вазирӣ дар моҳи декабри соли 2006-ум ӯ раиси дафтари раисиҷумҳури Тоҷикистон буд.
Зимнан, вазири собиқ дар ҳоле худкушӣ кард, ки дар додгоҳи шаҳри Душанбе бозрасии парвандаи бародараш Тағойназар идома дорад. Тағойназар Солиев 17 апрели соли равон аз сӯи кормандони додситонии шаҳри Душанбе боздошт шуда буд. Тафтишот собит кардааст, ки Тағойназар Солиев моҳи декабри соли 1999 дар ҳоли мастӣ аз автомати Калашников, ки ғайриқонунӣ дар манзилаш нигоҳ медошт, бародари завҷааш Далер Фозилов, корманди шӯъбаи милисаи ноҳияи Исмоли Сомониро ҳадафи тир қарор додааст.
Тағойназар Солиев то боздошт раҳбарии терминали гумруки шаҳри Душанберо бар ӯҳда дошт. Коршиносон мегӯянд, боздошти Тағойназар фақат баъди он мумкин шуд, ки бародарашро аз мақоми вазири умури дохила барканор карданд.
Ба иттилои расмӣ, собиқ вазири умури дохилии Тоҷикистон Муҳаммадназар Солеҳов шоми 17-уми июн дар манзилаш дар шаҳри Душанбе даст ба худкушӣ зад. Мақомоти умури дохилии Тоҷикистон гуфтаанд, ин ҳодиса дар ҳоле ба амал омад, ки додситонии кулли кишвар ба ҳабси Солеҳов дастур дода буд.
Ва аммо ба назар мерасад, ки ҳалокати вазири собиқ зери пардаи асрор ниҳон аст. Ва ҳанӯз маълум нест, ки вазири собиқ воқеан даст ба худкӯшӣ задааст ва ё кушта шудааст.
Худойназар, писари 12-солаи Муҳаммадназар Солеҳов дар як сӯҳбати кӯтоҳ бо Радиои Озодӣ баъд аз вуқуи ҳодиса гуфт, ки падарашро куштаанд.
Ба иттилоъи вазорати умури дохилӣ, шоми дирӯз кормандони додситонии кулл вориди манзили Солеҳов шуданд. Ва аммо онҳо агар дастури боздошти вазири собиқро доштанд, чаро аз худкушӣ ва ё куштори вазир ҷилавгирӣ накарданд?
Як ҳамсӯҳбати мо, ки солҳои пеш ҳамроҳ бо Муҳаммадназар Солеҳов кор карда буд, дар як сӯҳбат ва бидуни ифшои ному насабаш гуфт, ки ӯ дар бораи боз шудани парвандаи ҷиноӣ алайҳи вазири собиқ шунида буд ва додситонӣ Солеҳовро, аз ҷумла дар сӯиистифода аз мансаб ва берун рафтан аз ваколаташ айбдор мекард. Ин ҳамсӯҳбати мо ҳадс зад, ки куштор шояд тасодуф ҳам бошад – аҷаб нест, ки Солеҳов ба афроди ба манзилаш омада муқовимат карда бошад.
Муҳиддин Кабирӣ, вакили Маҷлиси намояндагон ва раиси Ҳизби наҳзати исломии Тоҷикистон, мегӯяд, ки “чун Муҳаммадназар Солеҳов як шахсияти маъруфи кишвар буд ва дар мақомҳои муҳими давлатӣ ифои вазифа карда буд, ӯ шояд нахостааст, ки дар назди маҳкама мавриди саволу ҷавоб қарор бигирад”. Аз сӯи дигар, меафзояд Муҳиддин Кабирӣ, “аксари шахсиятҳои низомӣ, ба вижа генералҳо, барои худ як кодекс ё ойини нонавишта доранд, ки дар чунин ҳолатҳо аз он истифода мекунанд”.
Муҳаммадназар Солеҳов солҳои тӯлонӣ дар ҳукумати Тоҷикистон мақомҳои калидиро ишғол мекард. Ӯ дар ноҳияи Вахши вилояти Қурғонтеппа ба дунё омадааст. Баъд аз хатми донишгоҳ муддате ёвари додситони ноҳияи Фрунзеи шаҳри Душанбе ва баъдан додситони ноҳияи Конибодоми вилояти Суғд буд. Баъди сари қудрат омадани ҳукумати Эмомалии Раҳмон ӯ вазифаи додситони кулли Тоҷикистонро бар ӯҳда дошт.
Соли 1994 ӯ аз ин мақом барканор ва баъди муддате муовини вазири умури дохилии Тоҷикистон таъин шуд ва дар ин мақом то соли 1996 фаъолият кард. Сипас тайи се сол, яъне аз оғози соли 1997 то миёнаҳои баҳори соли 2000 Муҳаммадназар Солиев раҳбари рафтари раисиҷумҳури Тоҷикистон буд. То бозгашти дубора ба ин мақом дар соли 2004 ӯ дар мақомҳои раиси додгоҳи Қонуни асосӣ ва раиси Шӯрои адлияи Тоҷикистон ифои вазифа мекард.
Ӯ то моҳи январи соли равон вазири умури дохилаи Тоҷикистон буд. То ишғоли курсии вазирӣ дар моҳи декабри соли 2006-ум ӯ раиси дафтари раисиҷумҳури Тоҷикистон буд.
Зимнан, вазири собиқ дар ҳоле худкушӣ кард, ки дар додгоҳи шаҳри Душанбе бозрасии парвандаи бародараш Тағойназар идома дорад. Тағойназар Солиев 17 апрели соли равон аз сӯи кормандони додситонии шаҳри Душанбе боздошт шуда буд. Тафтишот собит кардааст, ки Тағойназар Солиев моҳи декабри соли 1999 дар ҳоли мастӣ аз автомати Калашников, ки ғайриқонунӣ дар манзилаш нигоҳ медошт, бародари завҷааш Далер Фозилов, корманди шӯъбаи милисаи ноҳияи Исмоли Сомониро ҳадафи тир қарор додааст.
Тағойназар Солиев то боздошт раҳбарии терминали гумруки шаҳри Душанберо бар ӯҳда дошт. Коршиносон мегӯянд, боздошти Тағойназар фақат баъди он мумкин шуд, ки бародарашро аз мақоми вазири умури дохила барканор карданд.