Сарояндаи тоҷик Таҳмина Ниёзова дар озмуни овозхонҳои ҷавони кишварҳои Иттиҳоди давлатҳои муштаракулманофеъ, ки дар шаҳри Сочии Русия баргузор гашт, сазовори ҷоизаи аввал: Гран-при шудааст. Бо пирӯзии Ниёзова Тоҷикистон соли оянда ҳаққи мизбонии ин озмунро касб кард. Дар озмуни "Панҷ ситора. Интервидение" овозхони ғолиб бар асоси смс-ҳои тамошобинони саросари Иттиҳоди давлатҳои муштаракулманофеъ муайян мешавад.
