Ин бозии даври панҷуми мусобиқот дар гурӯҳи «Е» шаби якшанбеи 29-уми сентябр дар Варзишгоҳи марказии шаҳри Душанбе доир гардид. Ҳисобро дар ин дидор мизбонон дар дақиқаи 11-ум кушоданд. Тӯбро Меҳрубон Ҳамидов ба нишон расонд. Аммо баъди чаҳор дақиқа меҳмонон ҳисобро баробар карданд Голро Юсуф Алӣ Салим Ал-Шабибӣ зад.
Дар нимаи дуюми бозӣ умониҳо боз ду гол ба самар расонданд. Фаҳад Хамис Ҷумъа дар дақиқаи 68-ум дастаашро ба пеш баровард. Голи сеюми меҳмононро Одай Халифа Заид Муборак дар дақақаи 72-юм аз пеналти ё ҷаримаи 11-метрӣ ба ҳадаф расонд
Бозии дигари даври охирин дар гурӯҳи “Е” миёни дастаҳои мунтахаби ҷавонони Шри-Ланка ва Малайзия бо ҳисоби мусовии 1:1 хотима ёфт. Ба голи дар дақиқаи 32-юм задаи Муҳаммад Амир Фарҳан Бин Моҳд Фузӣ, бозигари Малайзия, дар дақиқаи 88-ум Ҷоҳнҷимрон Ҳариш, бозигари мунтахаби Шри-Ланка, бо гол посух дод.
Ёдовар мешавем, футболбозони ҷавони тоҷик зери раҳбарии сармураббӣ Милош Костич, мутахассиси словенӣ, дар марҳилаи интихобии Ҷоми Осиё-2025 дар аввалин бозиашон бар тими Шри-Ланка бо ҳисоби 3:0 пирӯз шуда, дар бозии дуюмашон аз тими Кореяи Шимолӣ бо ҳисоби 0:2 шикаст хӯрда, дар бозии сеюмашон мунтахаби Малайзияро бо ҳисоби 1:0 мағлуб карда буданд.
Ба ин тартиб, дар ҷадвали гурӯҳи “Е” дастаи Кореяи Шимолӣ, ки бо 10 имтиёз ҷойи аввалро соҳиб шуд, ба марҳилаи ниҳоии Ҷоми Осиё-2025 роҳхат гирифт.
Футболбозони ҷавони Умону Тоҷикистон шашмтиёзӣ гирифтанд. Бо дарназардошти таносуби беҳтари тӯбҳо умониҳо мақоми дуюм ва футболбозони тоҷик мақоми сеюмро касб карданд. Тими Малайзия бо панҷ имтиёз дар ҷойи чаҳорум ва дастаи Шри-Ланка бо як имтиёз дар ҷойи панҷум қарор гирифтанд.
Бар асоси натоиҷи марҳилаи интихобӣ ғолибони даҳ гурӯҳ ва панҷ дастаи нишондодҳояшон беҳтари зинаҳои дуюм ба қисми ниҳоии Ҷоми Осиё-2025, ки аз 6-ум то 23-юми феврали соли оянда дар Чин баргузор мешавад, роҳхат мегиранд.
То ҳоло ғолибони панҷ гурӯҳ - Сурия (гурӯҳи “А” бо 12 имтиёз), Узбекистон (гурӯҳи “В” бо 12 имтиёз), Кореяи Ҷанубӣ (гурӯҳи “С” бо 12 имтиёз), Арабистони Саудӣ (гурӯҳи “D” бо 10 имтиёз) ва Кореяи Шимолӣ (гурӯҳи “Е” бо 10 имтиёз) – ба қисми ниҳоии Ҷоми Осиё-2025 роҳ ёфтанд.
Мусобиқоти интихобии Ҷоми Осиё-2025 (U-20)
Гурӯҳи «Е»
Кореяи Шимолӣ
Малайзия
Тоҷикистон (мизбон)
Умон
Шри-Ланка
Даври якум
21-уми сентябр (шанбе)
Малайзия – Умон – 2:1
Кореяи Шимолӣ - Шри-Ланка – 4:0
Даври дуюм
23-юми сентябр (душанбе)
Кореяи Шимолӣ – Малайзия – 0:0
Шри-Ланка – Тоҷикистон – 0:3
Голҳо: Билол Бобоев, 2 (0:1). Масрур Ғафуров, 45+2 (0:2). Масрур Гафуров, 54 – аз пеналти (0:3).
23-юми сентябр. Душанбе. Варзишгоҳи марказии ҷумҳуриявӣ, 2345 тамошобин.
Даври сеюм
25-уми сентябр (чоршанбе)
Умон - Шри-Ланка – 5:0
Тоҷикистон – Кореяи Шимолӣ – 0:2
Голҳо: Чои Кук, 26 (0:1), Ра Му Рёнг, 90+2 (0:2).
25-уми сентябр. Душанбе. Варзишгоҳи марказии ҷумҳуриявӣ, 2784 тамошобин.
Даври чорум
27-уми сентябр (ҷумъа)
Умон – Кореяи Шимолӣ – 0:1
Гол: Ри Ҷонг Док, 80
Малайзия – Тоҷикистон – 0:1
Гол: Ҷовидон Хушвахтов, 90+5
27-уми сентябр. Душанбе. Варзишгоҳи марказии ҷумҳуриявӣ, 1200 тамошобин.
Даври панҷум
29-уми сентябр (якшанбе)
Шри-Ланка – Малайзия – 1:1
Голҳо: Муҳаммад Амир Фарҳан Бин Моҳд Фузӣ, 32 (0:1), Ҷоҳнҷимрон Ҳариш, 88 (1:1).
Тоҷикистон – Умон – 1:3
Голҳо: Меҳрубон Ҳамидов, 11 (1:0). Юсуф Алӣ Салим Ал-Шабибӣ, 15 (1:1). Фаҳад Хамис Ҷумъа, 68 (1:2). Одай Халифа Заид Муборак, 72 – аз пеналти (1:3).
29-уми сентябр. Душанбе. Варзишгоҳи марказии ҷумҳуриявӣ, 2721 тамошобин.
Мавқеи дастаҳо дар ҷадвали гурӯҳи “Е”
|
Ҷ |
Дастаҳо |
Б |
Ғ |
М |
Б |
Т |
И |
|
1 |
Кореяи Шимолӣ |
4 |
3 |
1 |
0 |
7-0 |
10 |
|
2 |
Умон |
4 |
2 |
0 |
2 |
9-4 |
6 |
|
3 |
Тоҷикистон |
4 |
2 |
0 |
2 |
5-5 |
6 |
|
4 |
Малайзия |
4 |
1 |
2 |
1 |
3-3 |
5 |
|
5 |
Шри-Ланка |
4 |
0 |
1 |
3 |
1-13 |
1 |
