Ҳаҷвнигори шинохтаи тоҷик Убайдулло Раҷабов мегӯяд, бархе бо сӯиистифода аз рӯзи якуми апрел, ки ҳамчун "Рӯзи ханда" шинохта шудааст, ҳазлҳои ноҷо мекунанд.
Ӯ мегӯяд, дар панҷ соли ахир чандин бор дурӯғпаронканҳо дӯстонашро ба ҷанозаи ӯ даъват кардаанд. Ҳатто бори охир 15 дӯсташ гирён ба ҳавлиаш ворид шуда ва ӯро зинда диданд ва аз шодӣ гиристанд. Убайдулло Раҷабов гуфт, бори ахир чанд моҳи пеш ҳини ташрифи дӯстонаш ба ҷанозаи худ хандидааст.
Ин ҳаҷвнигори шинохтаи тоҷик ҳамзамон аз поин рафтани сатҳи ҳаҷвнигории касбӣ дар Тоҷикистон нороҳат аст. Дар остонаи "Рӯзи ханда" Радиои Озодӣ бо Убайдулло Раҷабов сӯҳбате анҷом дод ва назари ӯро роҷеъ ба вазъи ҳаҷву ҳаҷвнигорӣ дар Тоҷикистон пурсид.
