Дар гурӯҳи “А” Эрон бар Қатар бо ҳисоби 4:1, Узбекистон бар Имороти Муттаҳидаи Арабӣ ва Қирғизистон бар Кореяи Шимолӣ бо ҳисоби якхелаи 1:0 пирӯз гаштанд. Дар ин гурӯҳ Эрон ва Узбекистон бо 10-имтиёзӣ пешсафанд. Иморот ва Қатар 4-имтиёзӣ, Қирғизистон 3 имтиёз, Кореяи Шимолӣ 2 имтиёз доранд.
Дар гурӯҳи “В” Кореяи Ҷанубӣ бар Ироқ бо ҳисоби 3:2, Урдун бар Умон бо ҳисоби 4:0 ғолиб омаданд. Бозии Фаластин ва Кувайт бо ҳисоби мусовии 2:2 хотима ёфт. Дар ин гурӯҳ Кореяи Ҷанубӣ бо 10 имтиёз мақоми аввалро касб кардааст. Урдун ва Ироқ бо 7-имтиёзӣ мутаносибан ҷойҳои дуюму сеюм соҳиб шудаанд. Умон ва Кувайт 3-имтиёзӣ, Фаластин 2 имтиёз гирифтаанд.
Дар гурӯҳи “С” Чин бар Индонезия бо ҳисоби 2:1 ғалаба кард. Ду бозии дигар миёни дастаҳои Ҷопон ва Австралия бо ҳисоби 1:1, Арабистони Саудӣ ва Баҳрайн бо ҳисоби 0:0 анҷом пазируфт. Дар ин гурӯҳ Кореяи Ҷанубӣ бо 10 имтиёз пешқадам аст. Австралия, Арабистони Саудӣ ва Баҳрайн 5-имтиёзӣ, Индонезия ва Чин 3-имтиёзӣ доранд.
Бозиҳои даври панҷуми марҳилаи сеюми интихобии Ҷоми ҷаҳонии футбол-2026 дар қораи Осиё рӯзи 14-уми ноябр доир мегарданд. Марҳилаи сеюми интихобӣ дар ду давра то 10-уми июни соли 2025 идома хоҳад кард.
Ду дастаи беҳтарин аз ҳар гурӯҳ ба қисми ниҳоии қаҳрамонии ҷаҳон-2026 роҳхат мегиранд. Дастаҳои мунтахабе, ки ҷойҳои сеюму чаҳорумро ишғол менамоянд, дар даври чаҳорум бозӣ мекунанд ва барои ду роҳхати мустақим, инчунин роҳ ёфтан ба плей-оффи байниқитъавӣ мубориза мебаранд.
Ёдовар мешавем, тими миллии футболи Тоҷикистон, ки дар марҳилаи дуюми интихобии Ҷоми ҷаҳон-2026 дар ҷадвали гурӯҳи “G” бо касби 8 имтиёз ҷойи сеюмро гирифт, аз ҳаққи ширкат дар даври сеюми қаҳрамонии ҷаҳон-2026 маҳрум гашт.
Мусобиқоти интихобии қаҳрамонии ҷаҳон-2026, марҳилаи сеюм, даври чаҳорум:
15-уми октябр (сешанбе):
Гурӯҳи “А”:
Қирғизистон – Кореяи Шимолӣ - 1:0 (1:0)
Гол: Христиан Браузман, 11 (1:0).
Узбекистон – Имороти Муттаҳидаи Арабӣ - 1:0 (0:0)
Гол: Отабек Шукуров, 76 - аз пеналти (1:0).
Аз майдон хориҷ шуд: Абдулло Ҳамад, 65 (Иморот).
Эрон - Қатар - 4:1 (1:1)
Голҳо: Алмоез Алӣ, 17 (0:1). Озмун, 42 (1:1). Озмун, 48 (2:1). Муҳибӣ, 66 (3:1). Муҳибӣ, 90+8 (4:1).
Гурӯҳи “В”:
Фаластин - Кувайт - 2:2 (1:1)
Голҳо: Ал-Сулаймон, 31 - аз пеналти (0:1). Абу Алӣ, 41 - аз пеналти (1:1). Ал-Сулаймон, 80 (1:2). Ал-Канбар, 90+4 (2:2).
Аз майдон хориҷ шуд: Салдана, 56 (корти дуюми зард).
Кореяи Ҷанубӣ - Ироқ - 3:2 (1:0)
Голҳо: О Се Хун, 41 (1:0). Ҳусейн, 51 (1:1). О Хён Гю, 75 (2:1). Ли Ҷэ Сон, 84 (3:1). Сулака, 90+5 (3:2).
Урдун - Умон - 4:0 (1:0)
Голҳо: Ал-Наймат, 26 (1:0). Олван, 49 – аз пеналти (2:0). Ал-Наймат, 54 (3:0). Олван, 87 (4:0).
Гурӯҳи “С”:
Ҷопон - Австралия - 1:1 (0:0)
Голҳо: Танигути – ба дарвозаи худ, 58 (0:1). Берҷесс, 76 - ба дарвозаи худ (1:1).
Чин - Индонезия - 2:1 (2:0)
Голҳо: Абдувалӣ, 21 (1:0). Юйнин, 44 (2:0). Хайе, 87 (2:1).
Арабистони Саудӣ - Баҳрайн - 0:0
Аз пеналти тӯбро ба нишон нарасонд: Салим Ал-Давсарӣ, 18 (Арабистони Саудӣ).
Даври панҷум, 14-уми ноябр:
Гурӯҳи “А”:
Кореяи Шимолӣ – Эрон
Қатар – Узбекистон
Иморот - Қирғизистон
Гурӯҳи “В”:
Кувайт – Кореяи Ҷанубӣ
Умон – Фаластин
Ироқ - Урдун
Гурӯҳи “С”:
Австралия – Арабистони Саудӣ
Баҳрайн – Чин
Индонезия – Ҷопон
