Бозии ниҳоӣ рӯзи якшанбеи 6-уми октябр дар варзишгоҳи “Ҳумо арена”-и шаҳри Тошканд доир гардид. Пеш аз бозии ниҳоӣ дар Тошканд дастаҳои мунтахаби Украина ва Фаронса барои ҷойи сеюм мубориза бурданд. Бозӣ бо ҳисоби бузурги 7:1 ба суди украиниҳо хотима ёфт ва онҳо бори аввал бо медалҳои биринҷии қаҳрамонии ҷаҳон мукофотонида шуданд.
Ёдовар мешавем, дастаи мунтахаби футзали Тоҷикистон зери раҳбарии сармураббӣ Пайрав Воҳидов, ки бори аввал дар марҳилаи ниҳоии мусобиқоти қаҳрамонии ҷаҳон иштирок кард, дар ҳарсе бозиаш аз тимҳои миллии Марокаш бо ҳисоби 2:4, Португалия бо ҳисоби 2:3 ва Панама бо ҳисоби 3:8 шикаст хӯрда, аз ҳаққи ширкат дар плей-офф маҳрум шуд.
Дар марҳилаи гурӯҳии мусобиқоти даҳуми қаҳрамонии футзали ҷаҳон дар Узбекистон 24 дастаи мунтахаб иштирок дошт. Дастаҳо ба шаш гурӯҳ тақсим шуда буданд. Ду дастаи зӯртарин аз ҳар гурӯҳ - Парагвай, Нидерланд ё Ҳолланд (гурӯҳи “А”), Бразилия, Тайланд (гурӯҳи “В”), Аргентина, Украина, (гурӯҳи “С”), Испания, Қазоқистон (гурӯҳи “D”), Португалия, Марокаш (гурӯҳи “Е”), Эрон, Фаронса (гурӯҳи “F”) – ба плей-офф роҳ ёфтанд.
Инчунин чаҳор дастаи нишондодҳояшон беҳтари ҷойҳои сеюм дар гурӯҳҳо - Коста-Рика, Хорватия, Афғонистон ва Венесуэла - ба даври ҳаштякниҳоӣ роҳ пайдо карданд.
Баъди натиҷагирии марҳилаи гурӯҳӣ ҳашт дастаи мунтахаб - Узбекистон, Куба, Ангола, Либиё, Зеландияи Нав, Панама, Тоҷикистонг ва Гватемала - мусобиқотро тарк намуданд.
Боз ҳашт дастаи дигар - Коста-Рика, Ҳолланд ё Нидерланд, Испания, Афғонистон, Эрон, Португалия, Тайланд ва Хорватия - пас аз натиҷагирии бозиҳои даври ҳаштякниҳоӣ аз ҳаққи ширкат дар чорякфинал маҳрум шуданд. Чаҳор дастаи мунтахаб – Марокаш, Венесуэла, Парагвай ва Қазоқистон – баъди даври чорякниҳоӣ аз мусобиқот хориҷ гаштанд.
Ҳамин тариқ, чаҳор дастаи мунтахаб – Бразилия, Аргентина, Украина ва Фаронса - муборизаро барои ҷоизаҳо идома доданд. Бразилия бо медалҳои тилло, Аргентина бо нишонҳои нуқра ва Украина ба медалҳои биринҷӣ мукофотонида шуданд.
Плей-офф
1/8 финал
24-уми сентябр
Бразилия – Коста-Рика – 5:0
Нидерланд – Украина – 1:3
25-уми сентябр
Испания – Венесуэла – 1:2
Парагвай – Афғонистон- 3:1
26-уми сентябр
Эрон – Марокаш – 3:4
Португалия – Қазоқистон – 1:2
27-уми сентябр
Тайланд – Фаронса – 2:5
Аргентина – Хорватия – 2:0
1/4 финал
29-уми сентябр
Бразилия — Марокаш – 3:1
Украина — Венесуэла – 9:4
30-юми сентябр
Фаронса — Парагвай – 2:1
Қазоқистон — Аргентина – 1:6
1/2 финал
2-юми октябр
Бразилия – Украина – 3:2
3-юми октябр
Фаронса – Аргентина – 2:3
6-уми октябр
Бозӣ барои ҷойи сеюм
Украина – Фаронса – 7:1
Финал
Бразилия – Аргентина – 2:1
Мусобиқоти қаҳрамонии футзали ҷаҳон сар аз соли 1989 бори даҳум баргузор шудааст. Чаҳор тими миллӣ – Бразилия 6 бор, Испания 2 бор, Аргентина ва Португалия якборӣ - ба унвони қаҳрамони ҷаҳон даст ёфтаанд.
НАТОИҶИ БОЗИҲОИ НИҲОИИ ҚАҲРАМОНИИ ФУТЗАЛИ ҶАҲОН (1989 – 2024)
1989: Бразилия – Нидерланд - 2:1 (Нидерланд)
1992: Бразилия - ИМА - 4:1 (Ҳонконг)
1996: Бразилия - Испания - 6:4 (Испания)
2000: Испания - Бразилия - 4:3 (Гватемала)
2004: Испания – Италия - 2:1 (Тайбэйи Чин)
2008: Бразилия - Испания - 2:2, пен. 4:3 (Бразилия)
2012: Бразилия - Испания - 3:2, замони изофа. (Тайланд)
2016: Аргентина - Русия - 5:4 (Колумбия)
2021: Португалия – Аргентина - 2:1 (Литва)
2024: Бразилия – Аргентина -2:1 (мизбон: Узбекистон)
