Бозии ниҳоии Ҷоми Тоҷикистон-2024 миёни дастаҳои “Регар-ТадАЗ” ва “Хуҷанд” рӯзи якшанбеи 20-уми октябр дар Варзишгоҳи марказии шаҳри Истаравшан бо ҳузури 13250 тамошобин доир гардид.
Ҳарсе гол дар нимаи аввали бозӣ зада шуд. Ҳисоб дар дақиқаи 11-ум, замоне ки легионери африқоии “Хуҷанд” аз Камерун Тони Бикатал тӯбро ба дарвозаи дастааш зад, кушода шуд. Баъди шаш дақиқа легионери регариҳо аз Гана Эммануэл Квадво Фримпонг голи дуюм ва пирӯзиоварро ба самар расонд. Дарвоқеъ, ӯ беҳтарин бозигари ин дидор эътироф шуда, бо ҷоизаи вижа сарфароз гашт. Фирӯз Қараев, бозигари “Хуҷанд”, дар дақиқаи 36-ум аз пеналти ё ҷаримаи 11-метрӣ ҳисобро тағйир дод - 2:1.
Дар дақиқаи 67-ум сардовари бозии ниҳоии Ҷоми Тоҷикистон-2024 Сайёдҷон Зайниддинов аз Душанбе ба Фирӯз Қараев барои дағалона вайрон кардани қоидаҳои бозӣ корти сурх нишон дода, ӯро аз майдон ихроҷ кард. Ҳайати “Хуҷанд” то охири бозӣ як нафар кам буд.
Ба ин тартиб, дастаи “Регар-ТадАЗ” зери раҳбарии сармураббӣ Зайниддин Раҳимов дар бозии ниҳоӣ муқобили тими “Хуҷанд” бо ҳисоби 2:1 пирӯз шуда, бори ҳафтум барандаи Ҷоми Тоҷикистон гардид ва ба Лигаи дуюми қаҳрамонҳои AFC (Конфедератсияи футболи Осиё)-2025/26 роҳхат гирифт. Қаблан регариҳо солҳои 2000, 2001, 2005, 2006, 2011 ва 2012 Ҷоми Тоҷикистонро ба даст оварда буданд.
Маблағи ҷоизавии мусобиқа 100 ҳазор сомониро ташкил медод. Ба дастаи ғолиб – “Регар-ТадАЗ” - 60 ҳазор сомонӣ ва ба дастаи дар финал мағлубшуда – “Хуҷанд” (сармураббиаш Рустам Хоҷаев) - 40 ҳазор сомонӣ тақдим гардид.
Мусобиқот барои Ҷоми Тоҷикистон бори 33-юм сурат гирифт. Ҷоми миллиро аз ҳама бештар (10 бор) дастаи “Истиқлол”-и Душанбе ба даст овардааст.
Ҷоми Тоҷикистон-2024
Финал
«Регар-ТадАЗ» - «Хуҷанд» - 2:1
Голҳо: Тони Бикатал, 11 ба дарвозаи худ (1:0), Эммануэл Квадво Фримпонг, 17 (2:0), Фирӯз Қараев, 36 - аз пеналти (2:1).
«Регар-ТадАЗ» (Турсунзода): Мануэл Пани, Бахтиёр Қаландаров, Ҷозеф Феумба, Осуман Кассим, Асилбек Темиров, Бортей Якуяе Нии Гияши, Саидмухтор Азимов, Шуҳрат Элмуродов (Фирӯз Бобиев, 89), Шерзод Маҳамадиев (Ҷонсон Опонг, 73), Шарафҷон Солеҳов (Фаридун Давлатов, 73), Эммануэл Квадво Фримпонг (Озодбек Панҷиев, 89).
«Хуҷанд» (Хуҷанд): Сафармад Ғаффоров, Фирдавс Абдусалимов, Давронҷон Эргашев, Тони Бикатал, Фирӯз Қараев, Сергей Тсканян, Эҳсон Бобоев, Ҷасур Қурбонов (Шуҳратҷон Шоназаров, 81), Исломҷон Тошпулотов (Фахриддин Аҳтамов, 69), Нозим Бобоҷонов, Деян Тумбас.
Огоҳонида шуд: Шуҳрат Элмуродов («Регар-ТадАЗ»).
Аз майдон хориҷ шуд: Фирӯз Қараев («Хуҷанд»), 67 – дагалона вайрон кардани қоидаҳои бозӣ.
Беҳтарин бозигари дидор: Эммануэл Квадво Фримпонг («Регар-ТадАЗ»).
Сардовар: Сайёдҷон Зайниддинов (Душанбе).
20-уми октябр. Истаравшан, Варзишгоҳи марказӣ, 13250 тамошобин.
НАТОИҶИ ҲАМАИ БОЗИҲОИ НИҲОИИ ҶОМИ ТОҶИКИСТОН (1992-2024):
1992 – «Помир» (Душанбе) – «Регар» (Турсунзода) – 1:0
1993 – «Ситора» (Душанбе) – «Равшан» (Кӯлоб) – 0:0. Аз рӯи пеналти – 5:3
1994 – «Равшан» (Кӯлоб) – «Шодмон» (Ҳисор) – 2:1
1995 – «Пахтакор» (Ҷаббор Расулов) – «Регар-ТадАЗ» (Турсунзода) – 0:0. Аз рӯи пеналти – 3:2
1996/1997 – «Вахш» (Қӯрғонтеппа) – «Хуҷанд» (Хуҷанд) – 4:0
1997/1998 – «Хуҷанд» (Хуҷанд) – «Ранҷбар» (Восеъ) – 2:1
1998 – «Варзоб» (Душанбе) – «Хуҷа Каримов» (Ғозималик) – 3:1
1999 – «Варзоб» (Душанбе) – «Регар-ТадАЗ» (Турсунзода) – 0:0. Аз рӯи пеналти – 4:2
2000/2001 – «Регар-ТадАЗ» (Турсунзода) – «Варзоб» (Душанбе) – 4:2
2001/2002 – «Регар-ТадАЗ» (Турсунзода) – «Хуҷанд» (Хуҷанд) – 3:1
2002 – «Хуҷанд» (Хуҷанд) – «Вахш» (Қӯрғонтеппа) – 3:0
2003 – «Вахш» (Қӯрғонтеппа) – «Олимп-Ансол» (Кӯлоб) – 3:1
2004 – «Авиатор» (Бобоҷон Ғафуров) – «Ӯротеппа» (Истаравшан) – 5:0
2005 – «Регар-ТадАЗ» (Турсунзода) – «Вахш» (Қӯрғонтеппа) – 1:1. Аз рӯи пеналти – 3:1
2006 – «Регар-ТадАЗ» (Турсунзода) – «ҲИМА» (Душанбе) – 2:1
2007 – «Парвоз» (Бобоҷон Ғафуров) – «ҲИМА (Душанбе) – 1:0
2008 – «Хуҷанд» (Хуҷанд) – «Энергетик» (Душанбе) – 2:1
2009 – «Истиқлол» (Душанбе) – ССКА «Помир» (Душанбе) – 3:1
2010 – «Истиқлол» (Душанбе) – «Хуҷанд» (Хуҷанд) – 5:0
2011 – «Истиқлол» (Душанбе) – «Регар-ТадАЗ» (Турсунзода) – 0:1
2012 – «Истиқлол» (Душанбе) – «Регар-ТадАЗ» (Турсунзода) – 1:1. Аз рӯи пеналти – 5:6
2013 – «Истиқлол» (Душанбе) – «Регар-ТадАЗ» (Турсунзода) – 2:0
2014 – «Истиқлол» (Душанбе) – «Регар-ТадАЗ» (Турсунзода) – 5:2
2015 – «Истиқлол» (Душанбе) – «Регар-ТадАЗ» (Турсунзода) – 2:2. Аз рӯи пеналти – 6:5
2016 – «Истиқлол» (Душанбе) – «Ҳосилот» (Фархор) – 2:2. Аз рӯи пеналти – 3:2
2017 – «Истиқлол» (Душанбе) – «Хуҷанд» (Хуҷанд) – 0:2
2018 – «Истиқлол» (Душанбе) – «Регар-ТадАЗ» (Турсунзода) – 1:0
2019 – «Истиқлол» (Душанбе) – «Регар-ТадАЗ» (Турсунзода) – 2:2. Аз рӯи пеналти – 4:2
2020 – «Равшан» (Кӯлоб) – «Хатлон» (Бохтар) – 1:0
2021 – «Истиқлол» (Душанбе) – «Хуҷанд» (Хуҷанд) – 0:2
2022 – «Истиқлол» (Душанбе) – «Кӯктош» (Рӯдакӣ) – 2:2. Аз рӯи пеналти – 5:4
2023 – «Равшан» (Кӯлоб) - «Истиқлол» (Душанбе) –– 1:1. Аз рӯи пеналти – 2:4
2024 – «Регар-ТадАЗ» (Турсунзода) - «Хуҷанд» (Хуҷанд) –– 2:1
