«Истиқлол»-и Душанбе бар тими мизбон - «Хуҷанд»-и Хуҷанд - бо ҳисоби 2:0 ғалаба кард. Инчунин бо чунин ҳисоб «Равшан»-и Кӯлоб дар меҳмонӣ «Кӯктош»-и Рӯдакиро шикаст дод.
Се бозии дигари даври 18-уми мусобиқот миёни дастаҳои «Хатлон»-и Бохтар - «Регар-ТадАЗ»-и Турсунзода ва «Ҳосилот» –и Фархор - «Файзканд»-и Восеъ бо ҳисоби якхелаи 1:1, КМВА (Клуби марказии варзишии артиш)-и Душанбе - «Эсхата»-и Хуҷанд бо ҳисоби 3:3 анҷом ёфтанд.
Дар ҳамин ҳол дар ҷадвали мусобиқот «Истиқлол» бо роҳбарии сармураббӣ Игор Черевченко бо касби 39 имтиёз аз 17 бозӣ дар мақоми аввал аст.
«Равшан»-и Кӯлоб (сармураббиаш Тоҳир Муъминов), ки аз 18 бозӣ 31 имтиёз дорад, мақоми дувумро соҳиб шудааст. «Кӯктош»-и ноҳияи Рӯдакӣ (сармураббиаш Аҳлиддин Турдиев), ки баъди 18 бозӣ 29 имтиёз гирифтааст, дар мақоми севум қарор дорад.
Ба ин тартиб, аз рӯи натоиҷи бозиҳои даври 18-ум таркиби ҳарду гурӯҳи иштироккунандаи марҳилаи сеюми мусобиқот муайян шуд.
Ҳамакнун дар марҳилаи сеюм дастаҳо ба ду гурӯҳ тақсим мешаванд. Имтиёзҳои дар марҳилаи аввал бадастоварда нигоҳ дошта хоҳад шуд.
Панҷ дастаи беҳтарин аз рӯи натоиҷи марҳилаи аввал дар гурӯҳи «А» дар як давра бозӣ карда, барои ҷойҳои аз якум то панҷум дар ҷадвали мусобиқот мубориза мебаранд. Инҳо дастаҳои «Истиқлол», «Равшан», «Кӯктош», «Эсхата» ва «Файзканд» мебошанд.
Панҷ бошгоҳи боқимонда – «Хуҷанд», «Ҳосилот», КМВА, «Хатлон» ва «Регар-ТадАЗ» - дар гурӯҳи «Б» дар як давра бозӣ карда, барои ҷойҳои аз шашум то даҳум талош меварзанд, то ин ки мавқеашонро дар лигаи олӣ нигоҳ доранд.
Ду дастае, ки дар зинаҳои охир (9-10-ум) қарор мегирад, аз рӯи натоиҷи мавсим ба лигаи аввал мегузарад. Дар маҷмуъ, ҳар як даста дар мусобиқоти қаҳрамонии Тоҷикистон-2023 ҳамагӣ 22 бозӣ анҷом медиҳад.
Тақвими марҳилаи севум ва ҳалкунандаи мусобиқот аз рӯи ҷадвали Бергер тартиб дода мешавад.
Мусобиқоти қаҳрамонии Тоҷикистон-2023
Лигаи олӣ. Даври 18-ум
«Хуҷанд» – «Истиқлол» – 0:2
Голҳо: Алишер Ҷалилов, 29 (0:1). Эҳсони Панҷшанбе, 90+4 (0:2).
17 август. Хуҷанд. Варзишгоҳи «20-солагии Истиқлолияти Тоҷикистон. 4200 тамошобин.
«Кӯктош» – «Равшан» – 0:2
Голҳо: Тоҳир Малодӯстов, 73 (0:1). Муҳаммадшарифи Саидхоҷа, 78 (0:2)
18 август. Рӯдакӣ. Варзишгоҳи «Нефтяник». 6000 тамошобин.
«Хатлон» – «Регар-ТадАЗ» – 1:1
Голҳо: Крис Эммануэл Какоу, 53 (1:0). Анвар Муродов, 56 (1:1).
19 август. Бохтар. Варзишгоҳи «Пахтакор». 2000 тамошобин.
КМВА – «Эсхата» – 3:3
Голҳо: Далер Имомназаров, 4 (0:1). Бахтиёр Зарипов, 12 (0:2). Вайсиддин Сафаров, 23 (1:2). Вайсиддин Сафаров, 26 (2:2). Бакинде Билонг Ҷерард, 58 (3:2). Мубинҷон Муъминов, 84 (3:3).
19 август. Душанбе. Варзишгоҳи КМВА-и Вазорати мудофиат ҶТ. 640 тамошобин
«Файзканд» – «Ҳосилот» – 0:0
19 август. Рӯдакӣ. Варзишгоҳи «Нефтяник». 1500 тамошобин.
Мавқеи дастаҳо дар ҷадвали мусобиқот
|
Ҷ |
ДАСТАҲО |
Б |
Ғ |
М |
Б |
Т |
И |
|
1 |
«Истиқлол» (Душанбе) |
17 |
12 |
3 |
2 |
42-8 |
39 |
|
2 |
«Равшан» (Кӯлоб) |
18 |
8 |
7 |
3 |
23-13 |
31 |
|
3 |
«Кӯктош» (Рӯдакӣ) |
18 |
9 |
2 |
7 |
30-25 |
29 |
|
4 |
«Эсхата» (Хуҷанд) |
18 |
8 |
2 |
8 |
24-28 |
26 |
|
5 |
«Файзканд» (Восеъ) |
18 |
6 |
7 |
5 |
24-22 |
25 |
|
6 |
«Хуҷанд» (Хуҷанд) |
18 |
5 |
7 |
6 |
18-26 |
22 |
|
7 |
«Ҳосилот» (Фархор) |
18 |
5 |
5 |
8 |
14-20 |
20 |
|
8 |
КМВА (Душанбе) |
17 |
4 |
7 |
6 |
14-14 |
19 |
|
9 |
«Хатлон» (Бохтар) |
18 |
5 |
1 |
12 |
11-33 |
16 |
|
10 |
«Регар-ТадАЗ» (Турсунзода) |
18 |
3 |
7 |
8 |
17-28 |
16 |
Нишонзанҳо: Манучеҳр Ҷалилов («Истиқлол»), Алишер Ҷалилов («Истиқлол»), – 9 тӯбӣ, Азизбек Султонов («Кӯктош»), Эҳсони Панҷшанбе («Истиқлол»), – 8-тӯбӣ.
Гуфтугӯ