Бозиҳои даври аввали мусобиқоти қаҳрамонии футболи Тоҷикистон-2023 байни дастаҳои лигаи олӣ рӯзҳои 1, 2 ва 3-юми апрел баргузор мешаванд.
Ба иттилои Федератсияи футболи Тоҷикистон, мусобиқаи имсола, ки бори 32-юм доир мегардад, мисли мавсими гузашта аввал бо иштироки даҳ даста дар ду марҳила сурат мегирад. Сипас, дар марҳилаи дуюм дастаҳо ба ду гурӯҳ тақсим хоҳанд шуд. Имтиёзҳои дар марҳилаи аввал бадастоварда ба ҳисоб гирифта мешавад. Дар маҷмуъ ҳар як даста дар мусобиқаи имсолаи лигаи олӣ 22 бозӣ анҷом медиҳад.
Соли гузашта дар мусобиқоти қаҳрамонии Тоҷикистон байни дастаҳои лигаи олӣ "Истиқлол"-и Душанбе ҷойи аввалро соҳиб шуда буд. «Истиқлол» бори ёздаҳум ба унвони қаҳрамони Тоҷикистон даст ёфт. «Равшан»-и Кӯлоб дар ҷойи дувум ва “Хуҷанд”-и шаҳри Хуҷанд дар зинаи сеюм ҷойгир шуданд.
«Истиқлол» дар мавсими имсола дар марҳилаи гурӯҳии Лигаи қаҳрамонҳои AFC (Конфедератсияи футболи Осиё) бозӣ хоҳад кард. «Равшан» ва «Хуҷанд» Тоҷикистонро дар Ҷоми AFC намояндагӣ мекунанд.
Мусобиқоти қаҳрамонии футболи Тоҷикистон-2023
Лигаи олӣ. Даври 1-ум
1 апрел (шанбе)
Оғози бозиҳо – соати 16:00
«Регар-ТадАЗ» – «Хатлон»
Сардовар: Сайёдҷон Зайниддинов (Душанбе).
Турсунзода, варзишгоҳи «ТАЛКО-Арена»
«Равшан» – «Кӯктош»
Сардовар: Хуршед Дадобоев (Хуҷанд).
Кӯлоб, Варзишгоҳи марказӣ
2 апрел (якшанбе)
Оғози бозиҳо – соати 16:00
«Эсхата» – КМВА
Сардовар: Бахтиёр Комилов (Кӯлоб).
Ҳисор, Варзишгоҳи марказӣ
«Ҳосилот» – «Файзканд»
Сардовар: Беҳрӯз Муртазоев (Душанбе).
Фархор, Варзишгоҳи марказӣ
3 апрел (душанбе)
Оғози бозӣ – соати 16:30
«Истиқлол» – «Хуҷанд»
Сардовар: Абдулло Давлатов (Шаҳринав).
Душанбе, Варзишгоҳи марказии ҷумҳуриявӣ
Гуфтугӯ