Дастаи мунтахаби миллии футболи Русия бо роҳбарии сармураббӣ Валерий Карпин барои ширкат дар бозии дӯстона муқобили мунтахаби Тоҷикистон имрӯз, 15-уми ноябр, ба Душанбе меояд.
Ба иттилои Федератсияи футболи Тоҷикистон, ҳайати тими миллии Русия бо парвози чартерӣ аз Маскав вориди Душанбе мешавад. Тахминан соати 21:30 ҳавопаймои ширкати “Аэрофлот” дар Фурудгоҳи байналмилалии Душанбе фуруд меояд. Меҳмонон дар меҳмонхонаи «Ҳилтон» истиқомат мекунанд.
Мунтахаби Русия рӯзи чоршанбеи 16-уми ноябр дар Варзишгоҳи марказии Душанбе тамрини пеш аз бозӣ анҷом медиҳад. Машқҳо соати 20:00 cap мешавад. 15 дақиқаи аввали тамрин барои намояндагони ВАО, ки ба бозии дарпешистода аккредитатсия шудаанд, боз хоҳад буд.
Сипас, соати 21:15 дар маҷлисгоҳи Варзишгоҳи марказии ҷумҳуриявӣ бо ширкати сармураббии тими миллии Русия Валерий Карпин ва яке аз бозигарони даста нишасти хабарии пеш аз бозӣ оғоз меёбад.
Ба ҳайати дастаи мунтахаби Русия ҳамагӣ 30 футболбоз дохил аст: 4 дарвозабон, 9 ҳимоятгар, 13 нимҳимоятгар ва 4 ҳамлагар.
Ҳайати дастаи мунтахаби миллии Русия дар бозиҳои дӯстона муқобили мунтахабҳои Тоҷикистон (17-уми ноябр, Душанбе) ва Узбекистон (20-уми ноябр, Тошканд):
Дарвозабонҳо: Антон Шунин («Динамо», Маскав), Александр Селихов («Спартак», Маскав), Матвей Сафонов («Краснодар»), Сергей Песяков («Ростов», Ростови соҳили Дон).
Ҳимоятгарон: Вячеслав Караваев («Зенит», Санкт-Петербург), Даниил Хлусевич, Георгий Ҷикия, Руслан Литвинов (ҳама аз «Спартак», Маскав), Максим Осипенко, Александр Силянов (ҳарду аз «Ростов»), Артём Макарчук («Сочи»), Иля Агапов («Пари НН», Нижний Новгород), Александр Солдатенков («Криля Советов», Самара).
Нимҳимоятгарон: Дмитрий Баринов, Артём Карпукас, Антон Миранчук (ҳарсу аз «Локомотив», Маскав), Данил Глебов, Даниил Уткин (ҳарду аз «Ростов»), Далер Кузяев, Андрей Мостовой (ҳарду аз «Зенит», Санкт-Петербург), Никита Кривсов («Краснодар), Сергей Пиняев («Криля Советов», Самара), Даниил Фомин, Арсен Захарян (ҳарду аз «Динамо», Маскав), Антон Зинковский («Спартак», Маскав), Лечи Саъдуллоев («Аҳмат», Грозний).
Ҳамлагарон: Фёдор Чалов (КМВА, Маскав), Николай Комличенко («Ростов»), Александр Соболев («Спартак», Маскав), Владимир Сичевой («Оренбург»).
Сармураббӣ – Валерий Карпин (Русия).
Бозии дӯстона миёни дастаҳои мунтахаби миллии Тоҷикистон ва Русия рӯзи панҷшанбе, 17-уми ноябр, дар Варзишгоҳи марказии Душанбе соати 20:00 оғоз меёбад.
Фурӯши билетҳо ба ин бозӣ шуруъ шудааст. Билетҳоро дар хазинаҳои Варзишгоҳи марказии ҷумҳуриявӣ харидан мумкин аст. Нархи билети муқаррарӣ 30 сомонӣ, билети VIP 100 сомонӣ мебошад.
Федератсияи байнулмилалии футбол (FIFA) ва Иттиҳодияи футболи Аврупо (UEFA) баргузории бозии дӯстона миёни дастаҳои мунтахаби Тоҷикистон ва Русияро иҷозат доданд, бинобар ин, натиҷаи бозӣ ҳангоми тартиб додани рейтинг ё радабандии FIFA ба ҳисоб гирифта мешавад.
Дар ҳамин ҳол мунтахаби Русия дар феҳристи FIFA дар байни 211 кишвар бо 1496,11 имтиёз дар ҷойи 33-юм ва мунтахабиТоҷикистон бо 1185,7 имтиёз дар ҷойи 108-ум қарор доранд.
Дастаи мунтахаби миллии Тоҷикистон бо роҳбарии мутахассиси хорватӣ Петр Сегрт ба бозии дӯстона муқобили тими миллии Русия дар Душанбе омодагӣ мебинад.
Ба ҳайати дастаи мунтахаби Тоҷикистон 28 бозигар, ки 15 нафари онҳо легионер мебошанд, дохиланд. Ба рӯйхати Петр Сегрт 3 дарвозабон, 8 ҳимоятгар, 12 нимҳимоятгар ва 5 ҳамлагар ворид шудаанд.
Ҳайати дастаи мунтахаби миллии Тоҷикистон дар бозии дӯстона муқобили мунтахаби Русия:
Дарвозабонҳо: Рустам Ятимов, Муҳриддин Ҳасанов (ҳарду аз «Истиқлол»), Шоҳрух Қирғизбоев («Хуҷанд»);
Ҳимоятгарон: Ваҳдат Ҳанонов («Персеполис», Эрон), Зоир Ҷӯрабоев («Сурхон», Узбекистон), Манучеҳр Сафаров («Локомотив», Узбекистон), Меҳрубон Каримов («Динамо-Авто», Молдова), Аҳтам Назаров, Сиёвуш Асроров, Алиҷон Кароматуллозода, Далер Имомназаров (ҳама аз «Истиқлол»);
Нимҳимоятгарон: Алишер Ҷалилов (АГМК, Узбекистон), Парвизҷон Умарбоев (КМВА-1948, Булғористон), Амирбек Ҷӯрабоев («Юнайтед Сити», Филиппин), Эҳсони Панҷшанбе («Зоб Оҳан», Эрон), Алиҷони Айнӣ («Краснодар-2», Русия), Комрон Турсунов («ТРАУ», Ҳиндустон), Муродалӣ Ҳақназаров («Анталяспор», Туркия), Хусрав Тоиров («Атирау», Қазоқистон), Салам Ашӯрмамадов («Броук Бойз», Русия), Муҳаммадҷон Раҳимов («Истиқлол»), Хуршед Абдуллоев (КМВА, Душанбе), Азизбек Ҳаитов («Динамо», Душанбе);
Ҳамлагарон: Шаҳром Самиев («Ислоч», Беларус), Рустам Соиров («Левадия», Эстония), Манучеҳр Ҷалилов, Шервонӣ Мабатшоев (ҳарду аз «Истиқлол»), Нуриддин Ҳамроқулов («Хатлон»).
Сармураббӣ – Петр Сегрт (Хорватия).
Гуфтугӯ