Аз рӯи натоиҷи бозиҳои ҷавобии даври ниманиҳоии Ҷоми Тоҷикистон-2022 оид ба футбол, ки рӯзи шанбе, 15-уми октябр, баргузор шуданд, дастаҳои «Истиқлол»-и Душанбе ва «Кӯктош»-и Рӯдакӣ ба финали мусобиқот роҳ ёфтанд.
«Истиқлол» дар даври ниманиҳоӣ дар варзишгоҳи «Спартак»-и шаҳри Хуҷанд бозиро бо «Эсхата» бо ҳисоби мусовии 1:1 анҷом дод. Дар бозии аввали даври ниманиҳоӣ «Истиқлол» тими «Эсхата»-ро бо ҳисоби 1:0 мағлуб карда буд.
Дар бозии дигари ҷавобии даври ниманиҳоии Ҷоми Тоҷикистон-2022 «Кӯктош» дар майдони худ “Хатлон”-и Бохтарро бо ҳисоби 2:1 шикаст дод. Бозии аввали ниманиҳоӣ миёни ин ду даста бо натиҷаи мусовӣ ва бидуни гол ба поён расида буд.
Ҳамин тариқ, дастаи лигаи олӣ - «Истиклол»-и Душанбе ва дастаи лигаи аввал - «Кӯктош»-и Рӯдакӣ дар бозии ниҳоии Ҷоми Тоҷикистон-2022, ки рӯзи шанбе, 29-уми октябр, дар варзишгоҳи “Пахтакор”-и шаҳри Бохтар доир мегардад, бо ҳам рақобат мекунанд.
Ҷоми Тоҷикистон-2022
1/2 финал. Бозиҳои ҷавобӣ
«Эсхата» – «Истиқлол» – 1:1
Голҳо: Олимҷон Каримов, 55 – ба дарвозаи худ (0:1). Дилшод Бозоров, 77 (1:1).
15 октябр. Хуҷанд. Варзишгоҳи «Спартак». 1500 тамошобин.
Бозии аввал – 0:1.
«Кӯктош» – «Хатлон» – 2:1
Голҳо: Сорбон Ғиёсов, 5 (1:0). Жан Гатен НД, 8 (1:1). Муҳаммад Гулаев, 37 (2:1).
15 октябр. Рӯдакӣ. Варзишгоҳи «Нефтяник». 5000 тамошобин.
Бозии аввал – 0:0.
Мусобиқа барои Ҷоми Тоҷикистон бори 31-ум баргузор шудааст. Ҳамагӣ даҳ даста барандаи Ҷом гардидааст. Аз ҳама бештар – ҳашт бор - “Истиқлол”-и Душанбе Ҷоми Тоҷикистонро ба даст овардааст. “Регар-ТадАЗ”-и Турсунзода шаш бор, “Хуҷанд” панҷ бор, “Вахш”-и Қӯрғонтеппа (феълан «Хатлон»-и Бохтар), “Варзоб”-и Душанбе, “Парвоз” (собиқ “Авиатор”)-и Бобоҷон Ғафуров ва “Равшан”-и Кӯлоб дуборӣ, “Помир”-и Душанбе, “Ситора”-и Душанбе ва “Пахтакор”-и ноҳияи Ҷаббор Расулов якборӣ Ҷоми Тоҷикистонро соҳиб гаштаанд.
Натиҷаҳои ҳамаи бозиҳои ниҳоии Ҷоми Тоҷикистон (1992 – 2021):
1992 – «Помир» (Душанбе) – «Регар» (Турсунзода) – 1:0
1993 – «Ситора» (Душанбе) – «Равшан» (Кӯлоб) – 0:0. Аз рӯи пеналтӣ – 5:3
1994 – «Равшан» (Кӯлоб) – «Шодмон» (Ҳисор) – 2:1
1995 – «Пахтакор» (Ҷаббор Расулов) – «Регар-ТадАЗ» (Турсунзода) – 0:0. Аз рӯи пеналтӣ – 3:2
1996/1997 – «Вахш» (Қӯрғонтеппа) – «Хуҷанд» (Хуҷанд) – 4:0
1997/1998 – «Хуҷанд» (Хуҷанд) – «Ранҷбар» (Восеъ) – 2:1
1998 – «Варзоб» (Душанбе) – «Хуҷа Каримов» (Ғозималик) – 3:1
1999 – «Варзоб» (Душанбе) – «Регар-ТадАЗ» (Турсунзода) – 0:0. Аз рӯи пеналтӣ– 4:2
2000/2001 – «Регар-ТадАЗ» (Турсунзода) – «Варзоб» (Душанбе) – 4:2
2001/2002 – «Регар-ТадАЗ» (Турсунзода) – «Хуҷанд» (Хуҷанд) – 3:1
2002 – «Хуҷанд» (Хуҷанд) – «Вахш» (Қӯрғонтеппа) – 3:0
2003 – «Вахш» (Қӯрғонтеппа) – «Олимп-Ансол» (Кӯлоб) – 3:1
2004 – «Авиатор» (Бобоҷон Ғафуров) – «Ӯротеппа» (Истаравшан) – 5:0
2005 – «Регар-ТадАЗ» (Турсунзода) – «Вахш» (Қӯрғонтеппа) – 1:1. Аз рӯи пеналтӣ – 3:1
2006 – «Регар-ТадАЗ» (Турсунзода) – «Хима» (Душанбе) – 2:1
2007 – «Парвоз» (Бобоҷон Ғафуров) – «Хима» (Душанбе) – 1:0
2008 – «Хуҷанд» (Хуҷанд) – «Энергетик» (Душанбе) – 2:1
2009 – «Истиқлол» (Душанбе) – ССКА «Помир» (Душанбе) – 3:1
2010 – «Истиқлол» (Душанбе) – «Хуҷанд» (Хуҷанд) – 5:0
2011 – «Истиқлол» (Душанбе) – «Регар-ТадАЗ» (Турсунзода) – 0:1
2012 – «Истиқлол» (Душанбе) – «Регар-ТадАЗ» (Турсунзода) – 1:1. Аз рӯи пеналтӣ – 5:6
2013 – «Истиқлол» (Душанбе) – «Регар-ТадАЗ» (Турсунзода) – 2:0
2014 – «Истиқлол» (Душанбе) – «Регар-ТадАЗ» (Турсунзода) – 5:2
2015 – «Истиқлол» (Душанбе) – «Регар-ТадАЗ» (Турсунзода) - 2:2. Аз рӯи пеналтӣ – 6:5
2016 – «Истиқлол» (Душанбе) – «Ҳосилот» (Фархор) - 2:2. Аз рӯи пеналтӣ – 3:2
2017 – «Истиқлол» (Душанбе) – «Хуҷанд» (Хуҷанд) – 0:2
2018 – «Истиқлол» (Душанбе) – «Регар-ТадАЗ» (Турсунзода) – 1:0
2019 – «Истиқлол» (Душанбе) – «Регар-ТадАЗ» (Турсунзода) – 1:1. Аз рӯи пеналтӣ - 4:2.
2020 – «Равшан» (Кӯлоб) – «Хатлон» (Бохтар) – 1:0.
2021 – «Истиқлол» (Душанбе) – «Хуҷанд» (Хуҷанд) – 0:2
2022 – «Истиқлол» (Душанбе) – «Кӯктош» (Рӯдакӣ) – ?
Гуфтугӯ