Дастаи мунтахаби наврасони то 17-солаи футболи Афғонистон дар аввалин бозиаш дар мусобиқоти интихобии Ҷоми Осиё-2023 дар гурӯҳи «Н» тими Муғулистонро бо ҳисоби бузурги 5:0 шикаст дод.
Ин бозӣ шаби ҷумъаи 7-уми октябр дар Варзишгоҳи марказии шаҳри Душанбе баргузор шуд. Се голи мунтахаби Афғонистонро Ҳакимхон Ниёзӣ дар нимаи аввали бозӣ ба самар расонда, ҳет-трик кард. Ду голи дигарро Алӣ Рамазонӣ ва Алиризо Раҳимӣ дар нимаи дувуми дидор заданд.
Мусобиқоти интихобии Ҷоми Осиё-2023 дар гурӯҳи «Н» бо иштироки дастаҳои мунтахаби наврасони то 17-солаи Афғонистон, Муғулистон ва Тоҷикистон дар шаҳри Душанбе ҷараён дорад.
Дар аввалин бозии ин гурӯҳ, ки 5-уми октябр доир шуда буд, дастаи мунтахаби наврасони Тоҷикистон (U-17) тими Муғулистонро бо ҳисоби 3:0 мағлуб кард.
Бозии даври севум ва охирин дар гурӯҳи «Н» рӯзи якшанбе, 9-уми октябр, миёни дастаҳои мунтахаби наврасони Тоҷикистон (U-17) ва Афғонистон (U-17) барпо мегардад. Бозӣ дар Варзишгоҳи марказии Душанбе соати 19:00 оғоз меёбад.
Дар ин бозии ҳалкунанда мунтахаби Афғонистонро барои ғолиби гурӯҳ шудан натиҷаи мусовӣ қаноатманд мекунад, аммо ба дастаи Тоҷикистон барои ба марҳилаи ниҳоии Ҷоми Осиё-2023 роҳ ёфтан танҳо пирӯзӣ зарур аст.
Дар ҳамин ҳол дар ҷадвали мусобиқот дастаҳои мунтахаби Афғонистон ва Тоҷикистон, ки сеимтиёзӣ гирифтаанд, бо дарназардошти таносуби беҳтари тӯбҳо мутаносибан дар ҷойҳои якуму дувум қарор доранд. Мунтахаби наврасони Муғулистон, ки дар ҳарду бозиаш шикаст хӯрд, бидуни имтиёз дар ҷойи охирин аст.
Ба марҳилаи ниҳоии Ҷоми Осиё-2023 миёни наврасони то 17-сола, ки аз 3-юм то 20-уми майи соли оянда дар Баҳрайн доир мегардад, ғолибони даҳ гурӯҳи интихобӣ ва панҷ дастаи беҳтарини ҷойҳои дувум роҳ пайдо мекунанд.
Мусобиқоти интихобии Ҷоми Осиё-2023 миёни дастаҳои мунтахаби наврасони то 17-сола
Гурӯҳи «Н»: Тоҷикистон (мизбон), Афғонистон, Муғулистон.
Даври 1-ум
Муғулистон – Тоҷикистон – 0:3
Голҳо: Итгел Балчиндороҷ, 28 – ба дарвозаи худ (0:1), Абубакр Сулаймонов, 45 (0:2), Шеравган Саидов, 48 (0:3).
Беҳтарин бозигари дидор: Абубакр Сулаймонов (Тоҷикистон).
5 октябр. Душанбе, Варзишгоҳи марказии ҷумҳуриявӣ. 1200 тамошобин.
Даври 2-юм
Афғонистон – Муғулистон – 5:0
Голҳо: Ҳакимхон Ниёзӣ, 21 (1:0), Ҳакимхон Ниёзӣ, 33 (2:0), Ҳакимхон Ниёзӣ, 39 (3:0), Алӣ Рамазонӣ, 74 (4:0), Алиризо Раҳимӣ, 89 (5:0).
Беҳтарин бозигари дидор: Ҳакимхон Ниёзӣ (Афғонистон).
7 октябр. Душанбе, Варзишгоҳи марказии ҷумҳуриявӣ
Мавқеи дастаҳо дар ҷадвали мусобиқот
|
Ҷ |
ДАСТАҲО |
Б |
Ғ |
М |
Б |
Т/Т |
И |
|
1 |
Афғонистон |
1 |
1 |
0 |
0 |
5-0 |
3 |
|
2 |
Тоҷикистон |
1 |
1 |
0 |
0 |
3-0 |
3 |
|
3 |
Муғулистон |
2 |
0 |
0 |
2 |
0-8 |
0 |
Даври 3-юм
9 октябр (якшанбе)
19:00 - Тоҷикистон – Афғонистон
Душанбе. Варзишгоҳи марказии ҷумҳуриявӣ
Гуфтугӯ