Мақомоти Русия гуфтанд, ки рӯзи 8-уми октябр фавти 936 нафарро аз коронавирус сабт карданд. Ин омори баландтарини рӯзонаи маргу мир аз бемории ҳамагир дар Аврупо аст.
Дар умум, ба иттилои расмӣ, зиёда аз 214 ҳазор кас дар Русия қурбонии COVID-19 шудаанд. Бисёре аз мутахассисон мегӯянд, эҳтимол шумораи воқеии фавтидаҳо бештар аз ин аст.
Мавридҳои нави сирояти бемории ҳамагир ва маргу мир аз он дар Русия охири моҳи гузашта афзоиш ёфт.
Мақомоти давлатӣ гуфтанд, то 8-уми октябр тақрибан 33 дарсад ё 47,8 миллион нафар ҳадди ақал як бор ва тақрибан 29 дарсад ё 42,4 миллион нафар дар Русия пурра эм карда шудаанд.
Кремлин бо ҳадафи пешгирӣ аз афзоиши беморӣ ба мақомоти минтақаҳо иҷозат додааст, ки маҳдудият ҷорӣ кунанд.
