Додситонии Узбекистон вазифадор шуд, ки аҳолиро бо картошка ва орди арзон таъмин кунад. Дар ин бора рӯзи 19-уми апрел Фарҳод Очилов, як масъули Додситонии кулли Узбекистон хабар дод.
"Мо дастур гирифтем, ки аз ҳисоби захираи давлатӣ сокинонро бо орди арзон таъмин кунем",-гуфт Фарҳод Очилов.
Ба гуфтаи вай, "бо назардошти ҷаҳиши якбораи қимати картошка", ин навъи сабзавотро аз кишварҳои хориҷ харидорӣ ва дар бозор зери назорати мақомоти додситонӣ ба фурӯш мебароранд.
Пештар аз ин сокинони Узбекистон аз гаронии орду картошка тавассути шабакаҳои иҷтимоӣ шикоят карданд.
