Президенти Амрико Доналд Трамп барои мубориза ба бемории гузарандаи коронавирус аз Конгресс 2,5 миллиард доллар талаб хоҳад кард.
Чун шумораи афзояндаи гирифторон ба ин вирус рӯзи 24-уми феврал бозорҳои молиро аз Иёлоти Муттаҳида сар карда, то Олмону Итолиё ба тарс овард.
Кохи Сафед гуфтааст, беш аз 1 миллиард доллари дархостшуда аз буҷа барои омода кардани ваксина ва муҳофизати аҳолӣ аз вирус истифода карда хоҳад шуд. Ин вирус дар Чин пайдо шудааст ва зиёда аз 80000 кас дар саросари ҷаҳон ба он олуда шудаанд.
Рейчел Семмел, сухангӯи идораи буҷаи Кохи Сафед, гуфтааст, қисми мондаи маблағ барои дастгирии корҳои омодагӣ ва вокуниш, харидани таҷҳизот ва чизҳои зарурӣ сарф карда хоҳад шуд.
Рӯзи гузашта, 24-уми феврал, саҳмияҳо дар Wall Street бо зарари шадид ба поён расиданд, зеро бозорҳои ИМА дар саросари ҷаҳон бо ҳамкорони худ созгорӣ карданд. Шохиси “S&P 500” 3,35 дарсад поин рафт, дар ҳоле ки нишондиҳандаи миёнаи Dow Jones Industrial беш аз 1000 радда ё беш аз 3,5 дарсадро аз даст дод.
Дар вокуниш ба тез паҳн шудани вируси COVID-19 дар Кореяи Ҷанубӣ ва Итолиё, Nasdaq ҳам шоҳиди чунин коҳишҳо шуд ва даромаднокии 10 соли хазинадорӣ наздик ба сатҳи рекордӣ поин буд.
Нархи нафт низ кам шуд. Маркази савдои саҳоми Олмон, DAX Франкфурт 4,01 дарсад поин рафта, бозори Евростокс 50 4,01 дарсад афтид. Шохиси асосӣ дар биржаи Милан тақрибан 5,4 дарсад поин рафт.
