Президенти Тоҷикистон Эмомалӣ Раҳмон бо ҳадафи ширкат дар Маҷмаи кулли СММ дар шаҳри Ню-Йорк пойтахти Туркманистонро тарк кард. Дар Ашқобод президент дар маросими кушоиши бозиҳои панҷуми осиёӣ иштирок кард.
Дар бахши суханрониҳои раҳбарони кишварҳо, ки рӯзи 18 сентябр шурӯъ шуда, то 25 сентябр идома мекунад, қарор аст президенти Тоҷикистон ҳам баромад кунад. Ин суханронӣ рӯзи 19 сентябр дар назар аст. Дар ҳайати ҳукумати Тоҷикистон, ба навиштаи вебсайти президент, вазири умури хориҷӣ, ёвари президент дар масоили робитаҳои хориҷӣ, раиси Кумитаи давлатии сармоягузорӣ ва идораи амволи давлатӣ ва дигар мақомот ҳузур доранд.
Рӯзи 19 сентябр дар Маҷмаи кулли СММ қарор аст инчунин президенти ИМА Доналд Трамп ва мақомоти Фаронса, Исроил, Ҷумҳурии Чех ва дигарҳо суханронӣ кунанд. Русияро дар ин ҷаласа имсол вазири хориҷа Сергей Лавров муаррифӣ мекунад, Владимир Путин аз сафар ба Ню-Йорк даст кашид.
