Дар Тоҷикистон назорат дар ҳангоми ирсоли бардерол ва мактубҳо тариқи "Почтаи тоҷик" пурзӯр шудаааст ва қабл аз фиристода шудан, дохили он тафтиш карда мешавад.Ҷонибек Дадоматов, раҳбари раёсати танзими Хадамоти алоқаи Тоҷикистон рӯзи 2-юми феврал зимни нишасти хабарӣ гуфт, ки ба хотири пешгирӣ аз ҳолатҳои сӯистифодаи почта аз сӯи гурӯҳҳои террористӣ ва интиқоли маводҳои таърихиву нодир, ҳар як муросилот тафтиш карда мешавад. Вай афзуд, ба ин хотир дар қонуни Точикистон дар бораи алоқаи почта низ тағйирот ворид карда шуд, ки ҳадафаш ҷилавгирӣ аз ҳолатҳои маблағгузории терроризм, қочоқи маводҳои дорои аҳамияти таърихӣ мебошад.
