Созишномаи бекор шудани талаботи раводид байни ҳукумати Тоҷикистону Малдив дар шаҳри Ню-Йорки Амрико рӯзи 26-уми ноябр ба имзо расид. шуд.

Вазорати корҳои хориҷии Тоҷикистон хабар дод, ки минбаъд шаҳрвандони ду кишвар аз талаботи раводид ҳангоми ворид, хориҷ, убур ва муваққатан бубудош дар ҳудуди яке аз тарафҳо ба муддати 30 рӯз озод мебошанд.

Санади мазкур баъди анҷоми расмиёти давлатии ду кишвар мавриди амал қарор мегирад.

Малдив аз ҳазору 196 ҷазира иборат буда, дар Уқёнуси Ҳинд ҷойгир аст ва чун кишвари сайёҳӣ шинохта шудааст.

Ба иттилои дафтари матбуоти раёсати ҷумҳури Тоҷикистон, дар ин сафар Эмомалӣ Раҳмонро вазирони корҳои хориҷӣ, дифоъ, котиби Шӯрои амнияти миллии Тоҷикистон ва дигар шахсони расмӣ ҳамроҳӣ мекунанд.

Вебсайти расмии Созмони Паймони Амнияти Дастҷамъӣ хабар дод, ки дар ҳошияи ин ҳамоиш, нишасти Шӯрои Вазирони корҳои хориҷӣ, Шӯрои Вазирони дифоъ ва Кумитаи котибони шӯроҳои амнияти миллии кишварҳои узв доир мешавад.

Дар ин чорабиниҳо Дабири кулли СПАД Имангали Тасмагамбетов ва Фармондеҳи умумии ситоди СПАД Андрей Сердюков иштирок мекунанд.

Ба иттилои манбаъ, ҷонибҳо оид ба вазъи низомиву сиёсӣ дар қаламрави кишварҳои узв, натиҷаи ҳамкориҳо дар доираи ин созмон ва ҳамчунин дурнамои рушди минбаъдаи низоми амнияти дастаҷамъӣ, гуфтугӯ хоҳанд кард.

Манбаъ менависад, ки ҷонибҳо омодагӣ ба таҷлили муштараки 80-солагии пирӯзӣ дар Ҷанги Дувувуми Ҷаҳонро низ баррасӣ хоҳанд кард.

Сиёсатмадори 70-сола дар китоби "Озодӣ" тақрибан аз тамоми тасмимҳояш дар даврони раҳбарии худ дифоъ ва онҳоро дуруст арзёбӣ мекунад.

Вай дар ҳамин китоб мухолифаташро бо пешниҳоди номзадии Украина барои пайвастан ба НАТО дар соли 2008 (дар нишасти Руминия) дуруст шумурдааст.

Ӯ мегӯяд, тасвири ин ки номзадии Украина дар паймони низомии Атлантики Шимолӣ метавонад, Киевро аз хатари таҷовузи Владимир Путин, президенти Русия дар амон нигоҳ дорад, таваҳҳуме беш набудааст.

Китоби Ангела Меркел баъд аз тақрибан се соли аз қудрат канор рафтани ӯ чоп ва рӯзи 26-уми ноябр дар Берлин рӯнамоӣ шуд.

Маскав дар иваз парвонаи кор ё аккредитатсияи ду хабарнигори ARD, расонаи олмониро бекор кард.

Хабарнигор Иван Благой ва наворбардор Дмитрий Волков, кормандони “Шабакаи аввали Русия”, гуфтанд, то нимаи моҳи декабр бояд аз Олмон бираванд.

Благой гуфт, мақомоти Олмон ин тасмими худро “ба манфиати амнияти Ҷумҳурии Федеративии Олмон” донистаанд.

Мария Захарова, сухангӯйи Вазорати корҳои хориҷии Русия, рӯзи 27-уми ноябр гуфт, Маскав парвонаи кори ду хабарнигори расонаи олмонии ARD-ро лағв кард.

Вай гуфт, “мо бояд чораҳои мушаххас андешем”, аммо ҷузъиёт надод.

Ӯ дар соли 1995 дар ҳайати дастаи "Спартак-Алания"-и Владикавказ унвони қаҳрамони Русияро соҳиб шуда буд.

Кавелашивили 53-сола аст ва аз соли 2016 вакили порлумони Гурҷистон.

Ӯ борҳо ба зидди Ғарб изҳорот дода, иддао кардааст, ки гуё дар Иёлоти Муттаҳида ва Иттиҳоди Аврупо талош доранд, "Гурҷистонро ба ҷанги нав бо Русия кашонанд".

Салоҳияти раисҷумҳури ҳозираи Гурҷистон, Саломе Зурабишвилӣ, рӯзи 16-уми декабр ба поён мерасад.

Вай натиҷаҳои интихоботи порлумонӣ (26-уми октябрми 2024)-ро дар Гурҷистон напазируфт ва тарафдоронашро ба эътироз хонд.

“Шумо дар интихобот мағлуб нашудед. Онҳо раъйи шуморо дуздида, кӯшиш карданд, ки ояндаатонро низ бидузданд," – гуфт ӯ рӯзи 28-уми октябр хитоб ба норозиён.

Виталий Кличко, шаҳрдори Киев, дар ин бора дар Телеграм хабар дод.

Нерӯҳои Украина дар эъломияе гуфтанд, ки Русия бо 89 ҳавопаймои бесарнишин ба ҳашт минтақаи ин кишвар – Киев, Черниҳов, Суми, Харков, Полтава, Житомир, Хмелнитский ва Миколаев – ҳамла кард.

Аз ин миқдор 36 ҳавопаймои бесарнишинро сарнагун кардаанд.

Гуфта мешавад, панҷ ҳавопаймои бесарнишин аз қаламрави Украина ба самти Беларус ва аз онҷо ба Русия бозгаштаанд.

Вазорати дифои Русия дар баёнияе гуфт, ки нерӯҳои дифои ҳавоии он 10 ҳавопаймои бидуни сарнишини украиниро дар фарози вилояти Ростов ва ду ҳавопаймои бидуни сарнишини украиниро дар назди бандари Севастопол дар Баҳри Сиёҳ заданд.

Тасмим рӯзи 27-уми ноябр ва баъд аз он эълон шуд, ки нерӯҳои амниятии Покистон дар амалиёте садҳо касро дастгир карданд.

Вазири корҳои дохилии Покистон гуфт, "эътирозгарон пароканда ва пойтахт тоза карда шуд".

Ба иттилои пулиси Исломобод, дар миёни 954 эътирозгаре, ки нерӯҳои амниятии Покистон дар се рӯзи охир боздошт карданд, 19 шаҳрванди Афғонистон низ ҳастанд.

Ҳизби Таҳрики Инсофи Покистон рӯзи 27-уми ноябр гуфт, эътирозеро, ки дар ҷараёни он дастикам шаш кас – чаҳор нерӯи амниятӣ ва ду эътирозгар – кушта шуданд, "муваққатан” боздоштанд.

Ин ҳизб ҳамзамон ҳукуматро ба "ваҳшоният" айбдор кардааст.

Даргирии ду тараф, ки тақрибан чордаҳ моҳ идома кард, нигарониҳоро аз як низои густурда дар Ховари Миёна ба вуҷуд оварда буд.

Низомиёни Исроил ба сокинон ҳушдор додаанд, ки ҳанӯз ба хонаҳои худ дар ҷануби Лубнон барнагарданд ва ба мавқеъҳои Исроил наздик нашаванд.

Бо вуҷуди ҳушдори Исроил ва дархости артиши Лубнон, корвони ғайринизомиён рӯзи чоршанбе ба ҷануби Лубнон ворид шуд.

Созиши оташбас миёни Исроил ва “Ҳизбуллоҳ”-и Лубнон рӯзи 27-уми ноябр ба иҷро даромад. Низомиёни Исроил ба сокинон ҳушдор додаанд, ки ҳанӯз ба хонаҳои худ дар ҷануби Лубнон барнагарданд ва ба мавқеъҳои Исроил наздик нашаванд. Бо вуҷуди ин, корвони ғайринизомиён ба ҷануби Лубнон ворид шуд.

"Ҳизбуллоҳ”, ки ҳам гурӯҳи ҷангҷӯст ва ҳам ҳизби сиёсӣ, аз пуштибонии Эрон бархурдор аст. Иёлоти Муттаҳида онро созмони террористӣ медонад. Иттиҳоди Аврупо танҳо шохаи низомии онро ба рӯйхати сиёҳ ворид кардааст.

Кобинаи амниятии Исроил рӯзи 26-уми ноябр пас аз суханронии Бенямин Нетаняҳу, нахуствазири ин кишвар ва эълони ҳимояташ аз тарҳи оташбас, онро пазируфт.

Ҷо Байден, раисҷумҳури Амрико, тавофуқи оташбасро "хабари хуб" хонда, таъкид кард, ки акнун барои оташбас дар Ғазза талош мекунад.

Дар ин бозии гурӯҳи “С”, ки шаби сешанбеи 26-уми ноябр дар варзишгоҳи “Шарҷа”-и шаҳри Шарҷа доир гардид, Луан Перейра, бозигари мизбонон, дар нимаи аввали дидор, дар дақиқаи 21-ум, ҳисобро боз кард. Баъди се дақиқа Эҳсони Панҷшанбе, бозигари “Истиқлол”, ҳисобро баробар намуд.

Голи дуюми “Шарҷа”-ро Усмон Камара дар дақиқаи 30-юм ба самар расонд. Голи сеюми мизбононро Кайо Фернандес дар нимаи дуюми бозӣ, дар дақиқаи 58-ум, аз пеналти ё ҷаримаи 11-метрӣ зад.

Дар бозии дигари даври панҷуми мусобиқот дар гурӯҳи “С” 26-уми ноябр “Сипоҳон”-и Эрон бо “Ал-Ваҳдат”-и Урдун рақобат кард. Ин бозӣ, ки дар варзишгоҳи “Grand Hamad Stadium”-и шаҳри Доҳаи Қатар баргузор шуд, бо ҳисоби мусовии 1:1 ба поён расид.

Баъди натиҷагирии панҷ даври мусобиқот дар ҷадвали гурӯҳи “С” дастаи “Ал-Ваҳдат”, ки бо 11 имтиёз мақоми аввалро касб кардааст, пешакӣ ба марҳилаи плей-офф роҳхат гирифт.

“Шарҷа” бо 10 имтиёз зинаи дуюмро соҳиб шудааст. “Сипоҳон” бо 7 имтиёз дар зинаи сеюм қарор дорад. “Истиқлол” бидуни имтиёз дар зинаи охирин – чаҳорум - ҷойгир шуда, дар панҷ бозӣ як гол зада, аз дарвозаи худ даҳ тӯб сар додааст.

Ҳамакнун дар даври ниҳоии марҳилаи гурӯҳӣ рӯзи сешанбеи 3-юми декабр «Истиқлол» бо «Сипоҳон» ва «Ал-Ваҳдат» бо «Шарҷа» бозӣ мекунанд.

Қаблан “Истиқлол” дар нахустин бозиаш дар Лигаи дуюми қаҳрамонҳои AFC-2024/25 дар майдони худ аз тими “Шарҷа” бо ҳисоби 0:1, дар даври дуюми мусобиқот дар варзишгоҳи «Фулодшаҳр»-и Исфаҳон аз тими «Сипоҳон» бо ҳисоби 0:4, дар даврҳои сеюму чаҳорум аз тими “Ал-Ваҳдат” дар шаҳрҳои Душанбе ва Уммон бо ҳисоби якхелаи 0:1 шикаст хӯрда буд.

“Истиқлол” зери раҳбарии сармураббӣ Игор Черевченко шонси ба даври баъдӣ баромаданро комилан аз даст додааст. Оқои Черевченко баъди анҷоми бозӣ бо “Шарҷа” дар нишасти хабарӣ гуфт, “бозӣ ба тавре сурат гирифт, ки мо метавонистем зиёдтар ба дарвозаамон гол сар диҳем ва баръакс, метавонистем бештар ба дарвозаи рақиб гол занем. Бозӣ дар самтҳои муқобил ҷолиб ҷараён гирифт, хусусан дар нимаи дуюм. Умедворам, ки дар бозии ниҳоии хонагӣ шоҳиди футболи дигар хоҳем шуд.”

Мавқеи дастаҳо дар ҷадвали гурӯҳи “С”

Даври шашум

3-юми декабр (сешанбе)

19:00 - “Истиқлол” – “Сипоҳон”

Душанбе (Тоҷикистон), Варзишгоҳи марказии ҷумҳуриявӣ.

19:00 (бо вақти Душанбе) “Ал-Ваҳдат” – “Шарҷа”

Уммон (Урдун). Варзишгоҳи байналмилалӣ.

Мақомот гуфтанд, ин сокини 38-солаи ноҳияи Абдураҳмони Ҷомӣ қаблан бо ҷурми "қаллобӣ" суд шуда, барои "мардумфиребӣ" дар ҷустуҷӯи расмӣ қарор дошт.

Ба иттилои манбаъ, Парвиз Бахиров бо роҳи фиреб аз ин 42 нафар маблағҳои гуногун гирифта, барои сафар намудан ба Арабистони Саудӣ ба онҳо чиптаҳои қалбакӣ омода кардааст.

Ҷузъиёти дигари қазия гуфта нашудааст. Мақомот нисбати ӯ парвандаи ҷиноятӣ оғоз карда, тафтишот идома дорад.

Назари Бахиров ба ин иттиҳом маълум нест.

Ин бори аввал нест, ки дар Тоҷикистон афродро барои фиреби додани талабгорони ҳаҷ, боздошт мекунанд.

Бар асоси қарори додгоҳ, Зубайдулло Исмоилов, Умедҷон Солиев ва Ҳусейн Ҳамидов, ки аз Доғистон ба Маскав бурда шуданд, то 1 -уми марти соли 2025 дар Боздоштгоҳ хоҳанд монд. Ҷаласаи додгоҳ паси дарҳои баста баргузор шуд.

Ҳафтаае пеш, рӯзи 19-уми ноябр, ҳамин додгоҳ муҳлати ҳабси Саидакрам Раҷабализода, Фаридуни Шамсиддин, Далерҷон Мирзоев ва Муҳаммадсобир Файзовро то 22-юми феврали соли 2025 тамдид карда буд.

Ҳамла ба толори консертии "Крокус Сити Ҳолл" дар вилояти Маскав рӯзи 22-юми марти имсол рух дод ва дар натиҷа 144 нафар кушта ва садҳо тан маҷруҳ шуданд.

Мақомоти қудратии Русия беш аз 20 нафар, асосан зодагони Тоҷикистонро бо гумони тарҳрезӣ, иҷро ва ёрӣ дар ин ҳамла боздошт карданд, вале то имрӯз шубҳаву суолҳо мондааст.

Як далеле, ки ҳомиёни ҳуқуқ онро пайваста ёдрас мекунанд, иқрори гумонбарон таҳти шиканҷаи сангин мебошад. Шароити нигаҳдории гумонбарон дар Боздоштгоҳ маълум нест.

Худаш, Радиои Озодӣ ва созмонҳои ҳомии ҳуқуқи инсон ҳукми ӯро дорои ангезаҳои сиёсӣ медонанд.

Кузнечук, падари ду фарзанд, рӯзи 25-уми ноябри соли 2021 дастгир ва дар аввал бо иттиҳоми авбошӣ (ҳеч гоҳ напазируфтааст) ба даҳ рӯз ҳабс маҳкум шуд.

Сипас вайро ба ташкили гурӯҳи ифротӣ айбдор ва моҳи июни соли 2022 ба шаш сол зиндон маҳкум карданд. Мурофиаи додгоҳӣ ҳамагӣ як рӯз давом кард.

Гурӯҳҳои ҳомии ҳуқуқи башар дар Беларус хабарнигори Радиои Озодӣ Андрей Кузнечукро зиндонии сиёсӣ эътироф кардаанд.

Майк Ҳерзог рӯзи 25-уми ноябр ба радиои артиши Исроил гуфт, ҳама гуна созиш ризояти ҳукуматро талаб мекунад, вале "мо ба он наздикем".

Ҳафтае пеш фиристодаи вижаи Амрико дар умури сулҳи Ховари Миёна низ хатми ҷангро миёни Исроил ва "Ҳизбуллоҳ" имконпазир дониста буд.

"Ҳизбуллоҳ", ки ҷануби Лубнонро зери назорат дорад, ҳам ҳизби сиёсист ва ҳам гурӯҳи ҷангҷӯ. Иёлоти Муттаҳида “Ҳизбуллоҳ”-ро як созмони террористӣ медонад, аммо Иттиҳоди Аврупо танҳо шохаи низомии онро ба рӯйхати сиёҳ ворид кардааст.

“Ҳизбуллоҳ” 8-уми октябри соли гузашта, як рӯз баъд аз ҳамлаи гурӯҳи тундрави “Ҳамос” ба Исроил ба хоки ин кишвар мушак партофт. Аз он замон даргирии ду тараф идома дошта, моҳҳои охир шиддат гирифтааст.

Манобеи наздик ба тафтишот рӯзи 26-уми ноябр ба Радиои Озодӣ гуфтанд, ки Новак ба ҳамкории пинҳонӣ бо созмони хориҷӣ гунаҳкор дониста шудааст.

Ӯро соли 2023 дар шаҳри Маскав дастгир карда, сипас ба Сибир фиристоданд. Парвандааш муҳри мухфӣ дошт ва, аз ин рӯ, ҷузъиёти он ошкор нест.

Ника Новак сардабири сомонаи Zab.ru буд ва дар гурӯҳи расонаҳои ChitaMedia кор кардааст. Дар соли 2022 бо “Север.Реалии”, як бахши Радиои Аврупои Озод/Радиои Озодӣ ҳамкорӣ дошт.

“Мемориал”, гурӯҳи ҳомии ҳуқуқи башар, ӯро маҳбуси сиёсӣ дар Русия номидааст.

Кумитаи тафтишотии Русия рӯзи 26-уми ноябр хабар дод, ки алайҳи Ҷеймс Скотт Рис Андерсони 22-сола парвандаи ҷиноӣ боз шуд.

Ӯро дар Русия ба "терроризм" ва "зархаридӣ" гумонзад медонанд.

Наворе, ки дар он марди либоси низомӣ ба тан худро Ҷеймс Скотт Рис Андерсон аз Бритониё муаррифӣ мекунад, охири ҳафтаи гузашта нашр шуд.

Онро хабаргузории давлатии "ТАСС" ва саҳифаҳои наздик ба мақомоти Русия паҳн карданд.

Андерсон гуфтааст, то соли 2023 дар артиши Бритониё хидмат карда, сипас ба легиони байнулмилалии Украина пайваст.

Маълум нест, ки наворро кай, дар куҷо ва таҳти чӣ шароит сабт кардаанд.

Владислав Шапша, волии Калуга, дар Телеграм навишт, ки нерӯҳои Русия ҳашт дрон ё ҳавопаймои бесарнишини Украинаро сарнагун карданд ва боқимондаи яке аз онҳо сабаби сӯхтор гашт.

Дар ҳамин ҳол, мақомоти Украина гуфтанд, ки дар ҳамлаи Русия ба маркази шаҳри Харков камаш 15 нафар маҷруҳ шуд.

Виталий Ким, волии Миколаев, хабар дод, ки Русия шабона ба зербунёдҳои энержии ин минтақаи ҷанубии Украина ҳамла кардааст.

Ба муҳандисон муяссар шудааст, ки ба аксар минтақаҳои зарардида дубора нерӯи барқ бидиҳанд.

Дар бораи талафоти ҷонӣ гузориш нест.

Додгоҳи Волоград ҳукми Журавели 20-соларо рӯзи 25-уми ноябр эълон кард.

Мақомот ӯро ба он гунаҳкор карданд, ки соли 2023 гуё ба намояндаи Хадамоти амнияти Украина (СБУ) дар бораи интиқоли таҷҳизоти низомӣ ба воситаи роҳи оҳан ва ҳавопаймоҳои низомӣ навор фиристодааст.

Пештар Додгоҳи Чеченистон Никита Журавелро барои оташ задани “Қуръон”, китоби муқаддаси мусалмонон, севуним сол аз озодӣ маҳрум карда буд. Худаш дар ҷараёни мурофиа аз мусалмонон маъзарат хост, аммо гуфт, нияти озурдани касеро надошт.

Созмони “Мемориал” Никита Журавелро маҳбуси сиёсӣ эътироф кардааст.

Бонки миллии Тоҷикистон рӯзи 26-уми ноябр арзиши ҳазор рубли Русияро 102 сомониву 60 дирам муқаррар кардааст. Дар баъзе аз бонкҳои кишвар он ба 100 сомонӣ фурӯхта мешавад. Як ҳафта пеш 1000 рубл ба 106 сомонӣ баробар буд.

Дар бонкҳои тиҷоратӣ коҳиши қурби рублро дар ҳафтаҳои охир тасдиқ карда, вале шарҳ надоданд.

Қурби рубл барои аксар сокинон дар Тоҷикистон муҳим аст, чун наздиконашон аз Русия асосан пули русӣ мефиристанд.

Ҳар сол садҳо ҳазор шаҳрванди Тоҷикистон дар ҷустуҷӯйи кору маоши муносиб ба Русия мераванд ва ин кишвар яке аз манбаъҳои асосии даромади хонаводаҳо ба шумор меравад.

Бо таваҷҷуҳ ба ин, ҳар тағйир дар қимат ё арзиши рубл ба вазъи зиндагии онҳо таъсир хоҳад гузошт.

Масъулони Кумитаи тафтишотӣ гуфтанд, 40 муҳоҷирро дар комиссариатҳои ҳарбӣ номнавис карда, ба мардоне, ки нав соҳиби шиносномаи русӣ гаштанд, даъватнома ба артиш супурданд.

Пештар баъзе аз муҳоҷирон шикоят доштанд, ки онҳоро барои рафтан ба артиш ва ширкат дар ҷанги Русия дар Украина маҷбур мекунанд.

Ташкили чунин амалиёту тафтишҳо дар макони зисту коргоҳи муҳоҷирон дар тамоми минтақаҳои Русия мушоҳида мешавад.

Аз моҳи август дар Русия қонуне ба иҷро даромад, ки бар асоси он ҳар фарде, ки шаҳрвандии ин кишварро дорад, бояд ҳатман худро дар комиссариати ҳарбӣ номнавис кунад, вагарна аз шиносномаи русӣ маҳрум хоҳад шуд.

Ба иттилои манбаъ, қарордод аз ҷониби Маҳмадумар Асозода, раиси “Барқи тоҷик” ва Абдулборӣ Умар, мудири ширкати “Брешно” дар Туркия имзо шудааст. Ҷузъиёти созишнома дастрас нест.

Ширкати "Барқи тоҷик" дар ин бора ягон шарҳ надод ва маълум нест, ки Тоҷикистон дар соли 2025 ба кишвари ҳамсояаш чӣ қадар барқ хоҳад фурӯхт ва бо чӣ нарх.

Қарордоди нави интиқоли барқ аз Тоҷикистон ба Афғонистон дар ҳолест, ки Душанбе бо “Толибон”, ҳокимони нави Кобул, робитаи дипломатӣ надорад. Гузашта аз ин, мардум ин шабу рӯз дар гӯшаҳои Тоҷикистон бо маҳдудият барқ мегиранд.

Мақомот ҳамеша мушкилро ба душвории фаннӣ ё камбуди об рабт додаанд. Сокинон мепурсанд, чӣ гуна Тоҷикистон барои интиқол ба Афғонистону Узбекистон барқ дорад, аммо барои истифодаи мардум дар дохил не.

Ин Вазорат дар хабарномае рӯзи 25-уми ноябр гуфтааст, ки дар қатли рӯҳонии яҳудӣ Азизбек Комиловичи 33-сола, Олимбой Тоҳирович ва Маҳмудҷон Абдураҳими 28-соларо гумонбар медонанд.

Ин ниҳод гуфтааст, ки ангезаи даст задани шаҳрвандони Узбекистон ба ин кушторро таҳқиқ доранд.

Хохом ё рӯҳонии яҳудӣ Тсви Коганро, ки аз соли 2020 дар Имороти Муттаҳидаи Арабӣ зиндагӣ мекард, рӯзи 21-уми ноябри имсол нопадид шуд ва баъдан ҷасадашро пайдо карданд.

Коган шаҳрвандии Исроил ва Молдоваро дошт.

Дафтари сарвазир ва Вазорати корҳои хориҷии Исроил дар паёми муштарак марги Коганро “амали даҳшатбори террористии зиддияҳудӣ” номиданд.

Онҳо қавл додаанд, ки Исроил барои ба ҷавобгарӣ кашондани гунаҳкорон, дар ҳар ҷое ҳастанд, тамоми василаҳоро ба кор хоҳад бурд.

Оҷонси амнияти миллии Исроил ба шаҳрвандони ин кишвар маслиҳат додааст, ки муваққатан ба Имороти Муттаҳидаи Арабӣ нараванд

Нашрияи фаронсавии Le Monde бо таяк ба манобеаш навиштааст, ки бо ба сари қудрат омадани Доналд Трамп дар Амрико кишварҳои аврупоӣ тарс доранд, ки шояд ИМА дигар ба Украина кумак накунад ва ин кишвар шикаст хӯрад.

Ин нашрияи навиштааст, ки мавзӯи фиристодани сарбозонро Бритониё ва Фаронса баҳс кардаанд.

Ба гуфтаи Le Monde, гап сари ташкили нерӯи муҳофизатии муттаҳидон дар Аврупо барои кӯмак ба Украина ба хотири амният дар ин кишварҳо меравад.

Мақомоти Русия гуфтаанд, ки аз ин мавзӯъ хабар надоранд.

Аз ин пеш, Эмануэл Макрон, президенти Фаронса мавзуи фиристодани сарбоз барои ҷанг бо Русияро матраҳ карда буд.

Мақомоти рус ҳушдор доданд, ки агар ин кор сурат бигирад, посухи сахте хоҳанд дод. Аз ҷумла, Владимир Путин, президенти Русия ошкору ниҳон кишварҳои аврупоиро аз силоҳи ҳастаӣ тарс медиҳад.

Бозиҳо бо иштироки шаш даста дар Маркази омӯзишӣ-таълимии «Новогорск» баргузор шуданд. Тибқи натиҷаи қуръакашӣ «Истиқлол» дар гурӯҳи «Б» бо футзалбозони Беларус ва мунтахаби ҷавонони Русия қувваозмоӣ кард.

«Истиқлол» дар бозии аввали худ дар «Ҷоми бози Аврупо» тими ҷавонони мунтахаби Русияро бо ҳисоби 8:6 мағлуб намуд. Сипас дар даври дуюми мусобиқа бар тими Беларус бо ҳисоби 4:0 пирӯз гардида, ба финал баромад.

Бозии ниҳоӣ, ки миёни «Истиқлол»-и Тоҷикистон ва мунтахаби миллии Русия доир гашт, бо натиҷаи 1:0 ба фоидаи мизбонон ба поён расид. Ҷои сеюм насиби мунтахаби Беларус шуд, ки дастаи Сербияро шикаст дод.

Пас аз анҷоми мусобиқа маросими супоридани ҷоизаҳо баргузор гардид. Бозигари «Истиқлол» Абдуқаюм Умаров беҳтарин ҳамлагари мусобиқа эътироф шуд.

Мусобиқаи байналмилалии «Ҷоми бози Аврупо»

Гурӯҳи «Б»

Даври 1-ум

«Истиқлол» (Тоҷикистон) - Мунтахаби ҷавонони Русия - 8:6

Голҳои «Истиқлол»: Рустам Ҳамидов-3, Некрӯз Идиев-2, Шавкат Ҳалимов, Раҳмоналӣ Шарипов, Ҳикмат Исмоилов.

22-юми ноябр. Химки. Маркази омӯзишӣ- таълимии «Новогорск».

Даври 2-юм

«Истиқлол» (Тоҷикистон) - Мунтахаби Беларус - 4:0

Голҳо: Рустам Ҳамидов, Некрӯз Идиев, Насратшо Исмоилов, Раҳмоналӣ Шарипов,

23-юми ноябр. Химки. Маркази омӯзишӣ- таълимии «Новогорск».

ФИНАЛ

«Истиқлол» (Тоҷикистон) - Мунтахаби Русия - 0:1

«Истиқлол» (Тоҷикистон): Фирӯз Бекмуродов, Самариддин Шамсов, Рустам Ҳамидов, Насратшо Исмоилов, Раҳмоналӣ Шарипов, Ҳикмат Исмоилов, Некрӯз Идиев, Абдукаюм Умаров, Шавкат Ҳалимов, Муҳаммад Шарипов.

24-юми ноябр. Химки. Маркази омӯзишӣ- таълимии «Новогорск».

Сомонаи раисҷумҳури Тоҷикистон рӯзи 24-уми ноябр навишт, ки номаи ҳамдардӣ дар иртибот ба ҳалокат ва ҷароҳат бардоштани шумораи зиёди шаҳрвандони Покистон аст.

Рӯзи 23-юми ноябр дар натиҷаи ҳамлаи террористӣ ба корвони мошинҳо дар Хайбар-Пахтунхоҳи Покистон наздики 40 нафар кушта шуданд.

"Мо ин амалкарди ваҳшиёнаи нерӯҳои ҷиноятпешаро қотеона маҳкум мекунем",- гуфтааст раисҷумҳури Тоҷикистон.

Эмомалӣ Раҳмон дар идома ба наздикони қурбониёни ҳамла ва тамоми мардуми Покистон изҳори ҳамдардӣ намуда, ба осебдидагон шифои комил хостааст.

Ба гузориши расонаҳои покистонӣ, дар пайи ин ҳамла 42 нафар кушта шуданд.

Гуфта мешавад, ҳамла замоне рух додааст, ки мусофирбарҳо зоирони шиъаро аз Парачинор ба Пешовар мебурданд.

Ба навиштаи сомонаи расмии қонунгузории Русия, муқаррароти фармон нисбат ба шахсоне, ки то 1-уми сентябри соли 2017 шаҳрвандии Русияро гирифтаанд, дахл надорад.

Савганд ёд кардан пеш аз гирифтани шаҳрвандӣ соли 2017 ҳатмӣ шуд, аммо муҳоҷирон метавонистанд давоми 12 моҳ ин корро анҷом диҳанд. Аммо соли 2023 ба қонунгузории он кишвар тағйирот ҷорӣ шуд, ки тибқи он, аввал бояд савганд хӯрд ва баъдан ҳуҷҷатро гирифт. Бо ин вуҷуд, бархе афрод шаҳрвандии Русияро бе савганд соҳиб шуданд.

Дафтари матбуоти Вазорати корҳои дохилии Русия мегӯяд, аз ин ба баъд, аз 23-юми ноябри соли 2024 афроде, ки шаҳрвандии Русия гирифтанд, вале савганд ёд накарданд, қарорҳои қабули онҳо ба шаҳрвандии Русия беэътибор дониста мешавад.

Баъди ҳамла ба хоки Украина, дар Русия қонуни гирифтани шаҳрвандӣ таҳрир шуд ва аз мардон талаб мешаванд, ки баробари ба даст гирифтани шиносномаи русӣ, ба қайди комиссариатҳои ҳарбӣ дароянд, то баъдан ба ҷанг сафарбар шаванд.

Бисёре аз талабгорони дарёфти шаҳрвандии Русияро ин дархост нигарон кардааст.

Аксар тоҷикистониҳое, ки дар фикри гирифтани шаҳрвандии Русия ҳастанд, инро як зарурати иқтисодӣ ва маишӣ меноманд, чун имкони кору фаъолияти қонунӣ ва бетатент дар Русия фароҳам мешавад.

Бисёри онҳо барои хидмат дар артиш ё сафарбарӣ ба ҷанг (мобилизатсия), ки аз соли 2022 давом дорад, омода нестанд.