Бонки ҷаҳонӣ Тоҷикистонро вобастатарин кишвари дунё аз пули муҳоҷирон номид. Муҳоҷирони тоҷик соли гузашта ба ватан 3 миллиард доллар пул фиристодаанд, ки баробари 47 дарсади маҷмӯъи маҳсулоти дохилии ин кишвар будааст. Бонки ҷаҳонӣ мегӯяд, муҳоҷирон дар саросари дунё имсол ба кишварҳои зодгоҳи худ 406 миллиард доллар пул хоҳанд фиристод, ки назар ба пешбиниҳои қаблӣ 6,5 дарсад бештар аст.