Телевизиони давлатии Сурия мегӯяд, ки дар натиҷаи ду таркиши муқтадир дар пойтахти кишвар Димишқ даҳҳо нафар куштаву захмӣ шудаанд. Телевизион ин таркишҳоро ҳамлаҳои террористӣ номидааст. Навори телевизион ҷасади мурдаҳо ва мошинҳои сӯхтаву харобшударо намоиш дод. Бар тибқи изҳороти як ҳизби мухолифи давлат, таркиш дар наздикии пойгоҳи нирӯҳои низомӣ рух додааст.