Дар шаҳри Маскав ба ҷони хабарнигори шинохтаи тоҷик Додоҷони Атовулло сӯиқасд сурат гирифт. Шоми рӯзи панҷшанбе дар дохили тарабхонаи итолёвии Виадҷио, як фарди зоҳиран осиёӣ ба қафаси синаи хабарнигори тоҷик ду корд задааст.
Хабарнигорро дар мошини "Ёрии таъҷилӣ" ба бемористони ба номи Склифосовскийи Маскав интиқол додаанд. Табибон гуфтаанд, ки корд ба дили Атовуллои 56-сола нарасидааст, аз ин рӯ ба ҳаёти ӯ хатар таҳдид намекунад, аммо то интиқол ёфтанаш ба бемористон вай хуни бисёр бохтааст.
Пайвандони хабарнигори шинохта ба Радиои Озодӣ гуфтанд, ки амалиёти ҷарроҳӣ хуб гузаштааст ва айни ҳол Додоҷони Атовулло дар бахши эҳёгарии бемористон аст.
Хабарнигорро дар мошини "Ёрии таъҷилӣ" ба бемористони ба номи Склифосовскийи Маскав интиқол додаанд. Табибон гуфтаанд, ки корд ба дили Атовуллои 56-сола нарасидааст, аз ин рӯ ба ҳаёти ӯ хатар таҳдид намекунад, аммо то интиқол ёфтанаш ба бемористон вай хуни бисёр бохтааст.
Пайвандони хабарнигори шинохта ба Радиои Озодӣ гуфтанд, ки амалиёти ҷарроҳӣ хуб гузаштааст ва айни ҳол Додоҷони Атовулло дар бахши эҳёгарии бемористон аст.
