Дуруд ба ояндасозони маҳбуби “Ояндасоз”!!!
Дар ин барнома роҷеъ ба издивоҷи бармаҳал, нигарониҳо аз афзоиши азҳампошии хонаводаҳои ҷавон ва маърифати оиладории ҷавонон дар Тоҷикистон сӯҳбат кардем. Мавзӯе, ки тайи чанд соли ахир боис ба сару садо ва нигаронии мақомоти кишвар ҳам шудааст.
Тибқи қонунгузории феълии кишвар синни издивоҷ аз 17 муқаррар шудааст, вале дар ҳолати истисноӣ ва бо иҷозаи додгоҳ волидон метавонанд фарзандони 16-солаи худро оиладор кунанд. Вале кумитаи кор бо занон бо нигаронӣ аз издивоҷи бармаҳали духтарон ва паёмадҳои нохуби он соле пеш бо пешниҳоди 1 сол боло бурдани синни издивоҷ ба ҳукумат ва раисҷумҳур муроҷиат кард.
Раисҷумҳури Тоҷикистон ахиран дар паёми солонааш ба Маҷлиси намояндагон аз пешниҳоди як сол боло бурдани синни издивоҷ бори дигар ҳимоят кард ва дар пай иброз дошт, ки синни издивоҷи барвақтӣ боис ба азҳампошии зиёди хонаводаҳо шудааст ва ин дар ҳоле, ки ба гуфтаи худи ӯ, аксари навҷавонони мо маърифати оиладориро хуб намедонанд.
Вай барои тақвияти ин ҳарфҳои худ гуфт, дар тӯли панҷ соли гузашта, теъдоди талоқшудаҳои ҷавон тақрибан ду баробар афзудааст ва яке аз иллатҳои аслии ин раванд ба қавли раисҷумҳур дар бармаҳал хонадор кардани ҷавонон аст.
Албатта, ин нуқтаи назар баҳс ва вокунишҳои мухталифро дар ҷомеаи мусулмони Тоҷикистон то имрӯз ба дунбол дошту дорад. Агар бархеҳо аз нигоҳи тиб ва шароити зисту зиндагӣ дар кишвар ба ин мавзӯъ назар андохта бошанд, иддае дигар аз нигоҳи ҳуқуқ, ва шариати ислом ба ин мавзӯъ баҳо додаанд.
Ҷавонон ва таҳлилгароне ҳам, ки ин навбат дар мизи гирди “Ояндасоз” ин мавзӯъро баррасӣ доранд, гурӯҳе аз тасмими боло бурдани синни издивоҷ ҷонибдорӣ мекунанд ва бовар доранд, ки бо ин роҳ метавон дар роҳи коҳиши вайроншавии оилаҳои ҷавон мусоидат кард. Аммо гурӯҳи дигар бо дар назар гирифтани вазъи иқтисодии хонаводаҳо ва афзалияти нуфуси занҳо дар муқоиса бо мардон ин тасмимро чандон муассир намедонанд. Ба ақидаи онҳо, феълан беҳтар аст бо роҳандозии барномаву дарсҳои вижа дар мактабу донишгоҳҳо, маърифати оиладории ҷавононро боло бурд ва онҳоро барои ҳаёти оиладорӣ омода кард.
Баҳсу сӯҳбат ва пешниҳодҳои меҳмонони ҷавони мизи мудаввари ояндасозро метавонед аз ин ҷо бишнавед.
Дар ин барнома роҷеъ ба издивоҷи бармаҳал, нигарониҳо аз афзоиши азҳампошии хонаводаҳои ҷавон ва маърифати оиладории ҷавонон дар Тоҷикистон сӯҳбат кардем. Мавзӯе, ки тайи чанд соли ахир боис ба сару садо ва нигаронии мақомоти кишвар ҳам шудааст.
Тибқи қонунгузории феълии кишвар синни издивоҷ аз 17 муқаррар шудааст, вале дар ҳолати истисноӣ ва бо иҷозаи додгоҳ волидон метавонанд фарзандони 16-солаи худро оиладор кунанд. Вале кумитаи кор бо занон бо нигаронӣ аз издивоҷи бармаҳали духтарон ва паёмадҳои нохуби он соле пеш бо пешниҳоди 1 сол боло бурдани синни издивоҷ ба ҳукумат ва раисҷумҳур муроҷиат кард.
Раисҷумҳури Тоҷикистон ахиран дар паёми солонааш ба Маҷлиси намояндагон аз пешниҳоди як сол боло бурдани синни издивоҷ бори дигар ҳимоят кард ва дар пай иброз дошт, ки синни издивоҷи барвақтӣ боис ба азҳампошии зиёди хонаводаҳо шудааст ва ин дар ҳоле, ки ба гуфтаи худи ӯ, аксари навҷавонони мо маърифати оиладориро хуб намедонанд.
Вай барои тақвияти ин ҳарфҳои худ гуфт, дар тӯли панҷ соли гузашта, теъдоди талоқшудаҳои ҷавон тақрибан ду баробар афзудааст ва яке аз иллатҳои аслии ин раванд ба қавли раисҷумҳур дар бармаҳал хонадор кардани ҷавонон аст.
Албатта, ин нуқтаи назар баҳс ва вокунишҳои мухталифро дар ҷомеаи мусулмони Тоҷикистон то имрӯз ба дунбол дошту дорад. Агар бархеҳо аз нигоҳи тиб ва шароити зисту зиндагӣ дар кишвар ба ин мавзӯъ назар андохта бошанд, иддае дигар аз нигоҳи ҳуқуқ, ва шариати ислом ба ин мавзӯъ баҳо додаанд.
Ҷавонон ва таҳлилгароне ҳам, ки ин навбат дар мизи гирди “Ояндасоз” ин мавзӯъро баррасӣ доранд, гурӯҳе аз тасмими боло бурдани синни издивоҷ ҷонибдорӣ мекунанд ва бовар доранд, ки бо ин роҳ метавон дар роҳи коҳиши вайроншавии оилаҳои ҷавон мусоидат кард. Аммо гурӯҳи дигар бо дар назар гирифтани вазъи иқтисодии хонаводаҳо ва афзалияти нуфуси занҳо дар муқоиса бо мардон ин тасмимро чандон муассир намедонанд. Ба ақидаи онҳо, феълан беҳтар аст бо роҳандозии барномаву дарсҳои вижа дар мактабу донишгоҳҳо, маърифати оиладории ҷавононро боло бурд ва онҳоро барои ҳаёти оиладорӣ омода кард.
Баҳсу сӯҳбат ва пешниҳодҳои меҳмонони ҷавони мизи мудаввари ояндасозро метавонед аз ин ҷо бишнавед.
