Федератсияи футболи Тоҷикистон тасмим гирифт, барои аввалин бор бозии ду дастаи беҳтарин - қаҳрамони мамлакат ва барандаи ҷоми кишварро барои дарёфти Ҷоми олӣ ё Суперкубоки Тоҷикистон баргузор намояд. Ин бозӣ миёни «Вахш»-и Қӯрғонтеппа ва «Регар» ТадАЗ-и Турсунзода рӯзи 9 март доир хоҳад шуд.
Ва як хабари дигар ин аст, ки дастаҳои футболи CSKA-и Маскав, «Каунас»-и Каунас, «Нефтчӣ»-и Боку ва «Пюник»-и Ереван барои ширкат дар бозиҳои нимниҳоии Ҷоми Иттиҳод роҳ ёфтанд. Чаҳор бозии давраи дувуми мусобиқот дар маҷмааи варзишии «Олимпик»-и Маскав баргузор шуд. CSKA - и Русия бар «Металлург»-и Латвия бо натиҷаи 3 бар 1 ғалаба кард. Бо ҳамин натиҷа «Пюник»-и Арманистон ҳайати дувуми «Шахтёр»-и Украинаро шикаст дод. Дар ду бозии дигари чаҳорякниҳоӣ дастаи ғолиб бо пеналти ё задани зарбаҳои ёздаҳметра муайян шуд. Дар дидори «Нефтчӣ»-и Озарбойҷон ва «Пахтакор»-и Узбакистон вақти асосӣ ва иловагӣ бидуни гол хотима ёфт. Дар задани зарбаҳои ёздаҳметра бозигарони Озарбойҷон маҳорати хубтар зоҳир карда, бо натиҷаи 4 бар 2 дастболо шуданд. Дар бозии «Каунас» -и Литва бо «Шериф»-и Молдова низ вақти асосӣ ва иловагӣ бо натиҷаи мусовии 1 бар 1 ба поён расид. Ва аз рӯи пеналти «Каунас» бо натиҷаи 5 бар 3 пирӯзӣ ба даст овард. Ба ин тартиб дар ду бозии нимниҳоӣ, ки рӯзи ҷумъаи 20 январ баргузор мешавад, CSKA бо «Каунас» ва «Нефтчӣ» бо «Пюник» рақобат хоҳанд кард.
Ва як хабари дигар ин аст, ки дастаҳои футболи CSKA-и Маскав, «Каунас»-и Каунас, «Нефтчӣ»-и Боку ва «Пюник»-и Ереван барои ширкат дар бозиҳои нимниҳоии Ҷоми Иттиҳод роҳ ёфтанд. Чаҳор бозии давраи дувуми мусобиқот дар маҷмааи варзишии «Олимпик»-и Маскав баргузор шуд. CSKA - и Русия бар «Металлург»-и Латвия бо натиҷаи 3 бар 1 ғалаба кард. Бо ҳамин натиҷа «Пюник»-и Арманистон ҳайати дувуми «Шахтёр»-и Украинаро шикаст дод. Дар ду бозии дигари чаҳорякниҳоӣ дастаи ғолиб бо пеналти ё задани зарбаҳои ёздаҳметра муайян шуд. Дар дидори «Нефтчӣ»-и Озарбойҷон ва «Пахтакор»-и Узбакистон вақти асосӣ ва иловагӣ бидуни гол хотима ёфт. Дар задани зарбаҳои ёздаҳметра бозигарони Озарбойҷон маҳорати хубтар зоҳир карда, бо натиҷаи 4 бар 2 дастболо шуданд. Дар бозии «Каунас» -и Литва бо «Шериф»-и Молдова низ вақти асосӣ ва иловагӣ бо натиҷаи мусовии 1 бар 1 ба поён расид. Ва аз рӯи пеналти «Каунас» бо натиҷаи 5 бар 3 пирӯзӣ ба даст овард. Ба ин тартиб дар ду бозии нимниҳоӣ, ки рӯзи ҷумъаи 20 январ баргузор мешавад, CSKA бо «Каунас» ва «Нефтчӣ» бо «Пюник» рақобат хоҳанд кард.