Дар даври дуюм – рӯзи шанбеи 9-уми сентябр - дастаи мунтахаби олимпии Тоҷикистон бо мунтахаби Лаос бозӣ хоҳад кард. Дар даври сеюм ва ниҳоии мусобиқот - рӯзи сешанбеи 12-уми сентябр - футболбозони то 23-солаи Тоҷикистон бо дастаи мунтахаби олимпии Австралия вориди рақобат мешаванд.
Ҳамаи бозиҳо дар Варзишгоҳи марказии шаҳри Душанбе соати 20:30 оғоз меёбанд. Нархи билети дараҷаи аввал 50 сомонӣ ва дараҷаи дуюм 20 сомонӣ мебошад.
Зимнан, дар Варзишгоҳи марказии ҷумҳуриявӣ кори иваз кардани чамани майдони бозӣ ба анҷом расид. Ба майдон рӯпӯши сунъии намунаи навтарин, ки истеҳсоли Ҳолланд мебошад, густурда шуд.
Бояд тазаккур дод, аз рӯи натиҷагирии марҳалаи интихобии мусобиқот ғолибони 11 гурӯҳ, инчунин чаҳор дастаи ҷойҳои дуюми гурӯҳҳо бо нишондодҳои хубтар ба қисми ниҳоии Ҷоми Осиё-2024 (U-23), ки аз 15-уми апрел то 3-юми майи соли оянда дар Қатар баргузор мешавад, роҳ меёбанд.
Дар ҳамин ҳол дастаи мунтахаби олимпии Тоҷикистон (U-23) бо раҳбарии сармураббӣ Мубин Эргашев дар шаҳри Душанбе дар доираи омодагӣ ба марҳилаи интихобии Ҷоми Осиё-2024 (U-23) ҷамъомади таълимиву тамринӣ доир кардааст.
Ба иттилои Федератсияи футболи Тоҷикистон, ба ҷамъомади таълимиву тамринии даста 27 бозигар – 3 дарвозабон, 10 ҳимоятгар, 11 нимҳимоятгар ва 3 ҳамлагар - даъват шудаанд. Дархости ниҳоии даста барои иштирок дар марҳалаи интихобии Ҷоми Осиё-2024 ҳамагӣ 23 бозигарро дар бар хоҳад гирифт.
Ҳайати васеи дастаи мунтахаби олимпии Тоҷикистон (U-23):
Дарвозабонҳо: Муҳриддин Ҳасанов («Истиқлол»), Суҳробхуҷа Юсупов (КМВА), Шаҳобиддин Маҳмудзода («Ҳосилот»);
Ҳимоятгарон: Манучеҳр Сафаров («Локомотив», Узбекистон), Меҳрубон Каримов («Самгурали», Гурҷистон), Алиҷон Кароматуллозода, Содиқҷон Қурбонов (ҳарду аз «Истиқлол»), Раҳматшо Раҳматзода, Шаҳриёри Иноятулло (ҳарду аз «Равшан»), Исроил Холов (КМВА), Фирдавс Алиназаров («Хатлон»), Фахриддин Аҳтамов («Хуҷанд»), Ҷонибек Шарипов («Ҳосилот»);
Нимҳимоятгарон: Хусрав Тоиров («Шахтёр», Украина), Руслан Хайлоев («Зенит-2», Русия), Фатҳулло Олимзода («Атирау», Қазоқистон), Алишер Раҳимов («Амкал», Русия), Ҳамадонӣ Камолов, Алиҷони Айнӣ (ҳарду аз «Истиқлол»), Масрур Қиёмиддинов («Равшан»), Азизбек Ҳаитов («Хуҷанд»), Алишер Шукуров («Кӯктош»), Шуҳрат Элмуродов («Регар-ТадАЗ»), Шоин Боев («Моҳир»);
Ҳамлагарон: Шаҳром Самиев («Милсами», Молдова), Рустам Соиров («Локомотив», Узбекистон), Далер Шарипов («Металлург», Узбекистон).
Сармураббӣ – Мубин Эргашев.
Марҳилаи интихобии Ҷоми Осиё-2024 (U-23)
Гурӯҳи «I»
Даври 1-ум
6-уми сентябр (чоршанбе)
Оғози бозӣ – соати 20:30
Лаос – Австралия
Даври 2-юм
9-уми сентябр (шанбе)
Оғози бозӣ – соати 20:30
Тоҷикистон – Лаос
Даври 3-юм
12-уми сентябр (сешанбе)
Оғози бозӣ – соати 20:30
Австралия – Тоҷикистон