Ин бозии даври дувуми мусобиқот, ки шоми душанбеи 21-уми август дар Варзишгоҳи марказии шаҳри Ҳисор доир гардид, бо бартарии футболбозони навраси тоҷик сурат гирифт. Нимаи аввали дидор бо ҳисоби 2:1 ба нафъи мизбонон хотима ёфт. Голи севумро наврасони тоҷик дар нимаи дувуми бозӣ ба самар расонданд. Ду голи мунтахаби Тоҷикистонро Муҳаммад Назриев ва як голро Парвиз Бобоназаров заданд.
Дар бозии дигари даври дувум шаби 21-уми август дар Варзишгоҳи марказии Ҳисор мунтахаби Узбекистон дастаи Қирғизистонро бо ҳисоби 2:0 мағлуб кард.
Қаблан дар даври аввал мунтахаби Узбекистон дастаи Эронро бо ҳисоби 3:1 ва мунтахаби Афғонистон дастаи Қирғизистонро бо ҳисоби 3:0 шикаст дода буданд.
Ба ин тартиб, дастаи мунтахаби наврасони Узбекистон, ки аз ду бозӣ 6 имтиёз гирифтааст, дар ҷадвали мусобиқот дар мақоми аавл қарор дорад. Мунтахаби Тоҷикистонбо касби 3 имтиёз аз як дидор дар мақоми дувум аст. Мунтахаби Афғонистон бо касби 3 имтиёз аз ду дидор мақоми севумро соҳиб шудааст.
Ба иттилои Федератсияи футболи Тоҷикистон, мусобиқоти қаҳрамонии CAFA-2023 байни дастаҳои наврасон (U-17), ки 20-уми август шуруъ шуд, дар Варзишгоҳи марказии Ҳисор то рӯзи 27-уми август идома меёбад.
Дар ин мусобиқот дастаҳои мунтахаби наврасони панҷ кишвари минтақа – Афғонистон, Қирғизистон, Тоҷикистон, Узбекистон ва Эрон ширкат доранд.
Дар доираи мусобиқоти қаҳрамонии CAFA-2023 (U-17) 10 бозӣ баргузор мешавад. Мусобиқот аз рӯи системи даврӣ дар як марҳила сурат мегирад. Дастаи ғолиб аз рӯи шумораи имтиёзҳо муайян хоҳад шуд.
Мунтахаби наврасони Тоҷикистонро сармураббӣ Далер Каёсов ба ин мусобиқот омода кардааст. Зимнан, футболбозони навраси тоҷик моҳи октябри соли оянда дар мусобиқоти интихобии Ҷоми Осиё-2025 ширкат хоҳанд кард,
Мусобиқоти қаҳрамонии CAFA-2023 байни дастаҳои мунтахаби наврасон (U-17)
Иштироккунандагон:
Тоҷикистон
Эрон
Ӯзбекистон
Афғонистон
Қирғизистон
Даври 1-ум
20 август (якшанбе)
Қирғизистон – Афғонистон – 0:3
Узбекистон – Эрон – 3:1
Даври 2-юм
21 август (душанбе)
Афғонистон – Тоҷикистон – 1:3
Қирғизистон – Узбекистон – 0:2
Мавқеи дастаҳо дар ҷадвали мусобиқот
|
Ҷ |
ДАСТАҲОИ МУНТАХАБ |
Б |
Ғ |
М |
Б |
Тӯбҳо |
И |
|
1 |
Узбекистан |
2 |
2 |
0 |
0 |
5-1 |
6 |
|
2 |
Тоҷикистон |
1 |
1 |
0 |
0 |
3-1 |
3 |
|
3 |
Афғонистон |
2 |
1 |
0 |
1 |
4-3 |
3 |
|
4 |
Эрон |
1 |
0 |
0 |
1 |
1-3 |
0 |
|
5 |
Қирғизистон |
2 |
0 |
0 |
2 |
0-5 |
0 |
Даври 3-юм
23 август (чоршанбе)
18:00 – Эрон – Афғонистон
21:00 – Тоҷикистон – Қирғизистон
Даври 4-ум
25 август (ҷумъа)
18:00 – Эрон – Қирғизистон
21:00 – Узбекистон – Тоҷикистон
Даври 5-ум
27 август (якшанбе)
18:00 – Афғонистон – Узбекистон
21:00 – Тоҷикистон – Эрон