Тоҷикистонро дар ин мусобиқа панҷ гуштигир намояндагӣ карданд. Миёни онҳо паҳлавони маъруфи тоҷик Комроншоҳи Устопириён натиҷаи хубтар ба даст овард. Вай дар рақобатҳо дар вазни то 90 кг дар се даври мусобиқа бар рақибонаш Станислав Косоев (Русия), АбдумаликБобоев (Узбакистон) ва Девид Текик (Олмон) пирӯз шуд.
Браузери шумо HTML5-ро намешиносад
Хабарҳои варзишӣ
Вале Комроншоҳ дар даври чорум аз Михаэл Коррел (Нидерланд), ки баъдан ғолиби ин мусобиқа шуд, шикаст хӯрд. Устопириён ҳамчунин барои ҷойи севум аз Давид Оганисян (Русия) мағлуб гашт ва дар ҷамъбаст мақоми панҷумро касб кард.
Паҳлавони тоҷик Ҷамшед Сафаров дар вазни то 66 кг дар нахустин даври мусобиқа аз Кенго Такаичи (Ҷопон) мағлуб шуд. Дарвоқеъ, Такаичи бар ҳамаи рақибонаш ғолиб омад ва барандаи Ҷоми Аврупо гардид. Ҷамшед бошад, баъдан бар Арсен Вагабов (Русия) ва Габриел Пинҳейро (Бразилия) ғалаба кард, вале барои дарёфти медали биринҷӣ аз РикардоСантос (Бразилия) шикаст хӯрд ва дар натиҷа дар ҷойи ҳафтум қарор гирифт.
Гуштигири дигари тоҷик Шӯҳратҷон Фархизода дар вазни то 66 кг дар даврҳои муқаддамотӣ бар рақибонаш Телмо Гомес (Бразилия) ва ТемурТемуров (Русия) дастболо шуд, вале дар даври баъдӣ аз Ҷуниор Деген (Нидерланд) мағлуб гашт.
Ду намояндаи дигари Тоҷикистон – Умед Абдураҳимов (дар вазни то 60 кг) дар даври аввал аз Дмитрий Окунев (Русия) ва Саидмуҳаммад Саидов (дар вазни то 81 кг) аз Ҳасан Холмирзоев (Русия) ва Дмитрий Зуев (Русия) шикаст хӯрданд.